Prafsajuznych aktyvistaŭ zapadozryli ŭ pieravozie «antydziaržaŭnaj litaratury»
Staršyniu Bresckaj rehijanalnaj arhanizacyi Svabodnaha prafsajuza Biełaruskaha (SPB) Valancina Łazarenkava i aktyvista SPB Viktara Čajkoŭskaha zatrymali supracoŭniki milicyi pa padazreńni ŭ pieravozie litaratury antydziaržaŭnaj skiravanaści.
Prafsajuznyja aktyvisty viartalisia ź Minsku, dzie ŭdzielničali ŭ kanfierencyi pradprymalnikaŭ. Na čyhunačnym vakzale ŭ Breście
kala samaha vahona prybyłaha ciahnika ich zatrymali supracoŭniki milicyi i praviali ŭ adździaleńnie.
— Skłali pratakoł pieratrusu z padazreńniem u pieravozie litaratury antydziaržaŭnaj skiravanaści, — apavioŭ Valancin Łazarenkaŭ. — Takoj litaratury nie znajšli, paprasili prabačeńnia, što pryjemna. I tut ža, pry nas, kamuści patelefanavali i dakłali, što ničoha nie atrymałasia.
Pa słovach prafsajuznaha lidera,
apošnim časam słovy «antydziaržaŭnaja» i «antypalityčnaja» pačali ŭsio čaściej źjaŭlacca ŭ milicejskich dakumientach — i ŭ pratakołach zatrymańnia, i ŭ pratakołach kanfiskacyi.
— Ale takoha termina niama ŭ zakanadaŭstvie, — prakamientavaŭ Valancin Łazarenkaŭ. — Za 16 hadoŭ isnavańnia prafsajuza da nas ni razu nie było pretenzij z nahody antydziaržaŭnaj dziejnaści. My zajmajemsia lehalnymi mietadami ŭ lehalnaj sistemie. My — aficyjna zarehistravanaja arhanizacyja.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary