Pieršy dzień čempijanatu Jeŭropy pa lohkaj atletycy prynios biełarusam dva miedali
Pieršy dzień čempijanatu Jeŭropy pa lohkaj atletycy ŭ Barsiełonie prynios biełaruskim spartsmienam dva miedali.
27 lipienia ŭ finale spabornictvaŭ pa šturchańni jadra ŭ žančyn 29-hadovaja Nadzieja Astapčuk zaniała pieršaje miesca z vynikam 20,48 m. Druhi vynik pakazała jaje 28-hadovaja suajčyńnica Natalla Michnievič (19,53). Čaćviortaj była Janina Pravalinskaja-Karolčyk (19,29). "Bronza" ŭ Hanny Aŭdziejevaj z Rasii (19,39).
Usiaho razyhrany try z 47 kamplektaŭ uznaharod. U chadźbie na 20 km pradstaŭnik Biełarusi Dzianis Simanovič byŭ dyskvalifikavany. Na siaredzinie dystancyi jon išoŭ druhim, paśla 12 i 14 km — piatym.
U zabiehu na 10.000 m Ściapan Rahaŭcoŭ finišavaŭ 16-m (29.40,19).
Miedalny zalik uznačalvajuć Biełaruś i Vialikabrytanija (pa 1, 1, 0).
Kamientary