U ŚMI pieradadzienyja pratakoły dopytu biznesoŭca Paŭła Małočki, zapisanyja Śviatłanaj Bajkovaj. Jany śviedčać pra sapraŭdnyja maštaby karupcyi ŭ mytni, Pamiežnym kamitecie i KDB.
U ŚMI pieradadzienyja pratakoły dopytu biznesoŭca Paŭła Małočki, zapisanyja Śviatłanaj Bajkovaj. Jany śviedčać pra sapraŭdnyja maštaby karupcyi ŭ mytni, Pamiežnym kamitecie i KDB.
Dopyty biznesoŭca Paŭła Małočki śledčaja Śviatłana Bajkova pravodziła ŭ Berlinie, dzie Małočka žyŭ paśla taho, jak uciok ź Biełarusi, daviedaŭšysia pra kryminalnyja spravy ab karupcyi na miažy. U redakcyju "Svabody" trapili kopii pratakołaŭ dvuch dopytaŭ: ad 20 lutaha i ad 26 listapada 2009 hodu. Pryznańni Paŭła Małočki nia tolki śviedčać pra maštaby karupcyi ŭ biełaruskich pravaachoŭnych orhanach, ale vykryvajuć mechanizm karupcyi na miažy i ŭ źviazanych ź joj sferach, a taksama pakazvajuć čałaviečyja jakaści pradažnych słužboŭcaŭ, jakija pavinny abaraniać zakon.
Z pratakołu vynikaje, što biznesoviec Pavał Małočka ŭ 2001 hadzie praz chabar peŭnym mytnikam, pamiežnikam dy supracoŭnikam KDB, jakija «kuryravali" pamiežnyja pierachody ŭ rajonie Bieraścia, zabiaśpiečyŭ niezakonny prajezd sotniaŭ furaŭ rasiejskich biznesoŭcaŭ.Hetaj dziejnaściu Małočka, pavodle jahonych acenak, zarabiŭ prykładna 900 tysiač dalaraŭ. Darečy, stolki ž zarabiŭ jahony saŭdzielnik pa proźviščy Klim, jaki paźniej byŭ aryštavany. Kolki ž pierapała karumpavanym biełaruskim siłavikam? Pra pamier ich zarobkaŭ śviedčyć takaja cytata z pratakołu.
«Za kožnuju aŭtamašynu z tavaram my atrymoŭvali ad rasiejskich klijentaŭ ad 12 da 15 tysiač dalaraŭ.Z hetaj sumy na chabar usim słužbovym asobam mytni i pravaachoŭnych strukturaŭ išło ad 4 da 7 tysiač dalaraŭ ZŠA. U Rasiei ž razmytnić adnu furu tavaru kaštavała b 45 tysiač dalaraŭ».
Jak dziejničała karupcyjnaja schiema, suproć jakoj musiła zmahacca cełaja armija kantraloraŭ u roznych biełaruskich viedamstvach? Akazvajecca, nasamreč zasłony nie dapamahali. U pratakole Pavał Małočka nazyvaje peŭnaha adkaznaha mytnika ź Bieraścia, jaki padkazvaŭ złačyncam, pad jakija tavary lepš «kanśpiravać» kantrabandu ŭ dakumentach. Inšy saŭdzielnik, užo z Pamiežnaha kamitetu, padrablaŭ kopiju dakumentaŭ polskaj mytni, kab nie ŭźnikła padazreńniaŭ u kantrabandzie. Hrošy taksama treba było płacić supracoŭniku KDB, jaki kuryravaŭ mytniu, za toje, kab padčas prajezdu furaŭ praź Biełaruś ich niečakana nie spynili. Bieraściejskim mytnikam dapamahali kalehi ŭ centralnym aparacie Mytnaha kamitetu ŭ Miensku — im pierapadała ich dola. Pavodle padlikaŭ, usiaho havorka išła pra sotni tysiač dalaraŭ chabaru.
Ździŭlaje chutkaść, ź jakoj, pavodle Paŭła Małočki, rasło koła karumpavanych siłavikoŭ: pačynałasia schiema z
Admietnaja detal: Pavał Małočka spačatku sprabavaŭ zmahacca ź vialikimi paborami mytnikaŭ i pamiežnikaŭ, raspaviadajučy pra ich karumpavanaść supracoŭnikam KDB.Ale ŭ vyniku hetaha «zastupnictva» daviałosia płacić taksama i supracoŭnikam KDB. Pryčym apetyty «čekistaŭ» uvieś čas raśli. Małočka daŭ pakazańni pra «vajnu» pamiž 3 i
«Supracoŭniki
Kab vyrašyć prablemu, čarhovamu načalniku ŭ KDB, jakoha naŭprost nazyvaje Małočka, daviałosia davać chabar u 70 tysiač dalaraŭ. Zhadvajecca ŭ pratakołach i proźvišča byłoha staršyni KDB Ściapana Sucharenki.
Dla paŭnaty maralnaha partretu chabarnikaŭ istotnaj budzie hetkaja detal: atrymlivajučy štomiesiac tysiačy dalaraŭ najaŭnaha chabaru, jany nia hrebavali i drabiazoj: adzin z supracoŭnikaŭ, jaki i tak byŭ na ŭtrymańni, raptam paprasiŭ kamputar. Daviałosia Małočku vieźci z Maskvy svoj asabisty «kamp». Niekalki razoŭ Pavał Małočka pryhaniaŭ karupcyjaneram z KDB aŭtamabili ź Niamieččyny, kuplaŭ draŭlany zrub, pazyčyŭ hrošy na kvateru ŭ Maskvie i hetak dalej.
Užo niekalki miesiacaŭ u Biełaruskim vajskovym sudzie idzie praces nad byłym namieśnikam načalnika ŭpravy KDB pa Bieraściejskaj vobłaści Anatolem Hramovičam, dzie, vidać, vyvučajucca hetyja dakumenty. Ale padrabiaznaści słuchańniaŭ nieviadomyja, bo praces zakryty. Pravaabaronca Aleh Voŭčak miarkuje, što pryčyna tut nie ŭ «słužbovych tajamnicach».
«Uładzie heta niecikava, bo mohuć źjavicca novyja padrabiaznaści, novyja proźviščy. Mahčyma, Hramovič zaraz bolš raskaža.Jak na moj pohlad pravaabaroncy, takija pracesy musiać być adkrytymi, kab usio było bačna hramadzkaści, i tady ŭłada zmoža skazać, što jana nia maje da hetaha dačynieńnia. A kali praces zakryty, to mienavita ŭłada dazvalała takim čynoŭnikam doŭhi čas kraści i paźbiahać adkaznaści».
Nahadajem, u lutym 2010 hodu, praź niekalki miesiacaŭ paśla dopytu Paŭła Małočki, śledčaja pa asabliva važnych spravach Respublikanskaj prakuratury Śviatłana Bajkova była aryštavanaja KDB i na paŭhoda źmieščanaja ŭ śledčuju turmu KDB. Bajkovu abvinavačvajuć u tym, što jana nie pryciahnuła da adkaznaści Paŭła Małočku, jaki na momant śledztva nia žyŭ u Biełarusi i šansaŭ na jahonuju vydaču ź Niamieččyny faktyčna nie było. Tolki 24 žniŭnia Śviatłanu Bajkovu z «amerykanki» vyzvalili pad chatni aryšt, raśśledavańnie jaje kryminalnaj spravy praciahvajecca.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty54
Kamientary