Eŭradyplamaty sustrenucca z moładzievymi aktyvistami
U bližejšy čas u Miensku adbudziecca sustreča ambasadaraŭ krainaŭ Jeŭraźviazu ŭ Biełarusi z moładzievymi aktyvistami, jakija padviarhalisia albo padviarhajucca represijam z boku ŭłady.
U bližejšy čas u Miensku adbudziecca sustreča ambasadaraŭ krainaŭ Jeŭraźviazu ŭ Biełarusi z moładzievymi aktyvistami, jakija padviarhalisia albo padviarhajucca represijam z boku ŭłady. Sustreča budzie pieršaj z šerahu zaplanavanych akcyj, meta jakich – źviarnuć uvahu mižnarodnaj supolnaści da prablemy palitźniavolenych u Biełarusi.
Pryncypovaja damova ab hetym była dasiahnuta siońnia padčas razmovy lidera abjadnanych demakratyčnych sił Alaksandara Milinkieviča j kaardynatara kampanii «Za svabodu Daškieviču j Krasoŭskamu» Sieržuka Lisičonka ź kiraŭnikami dypłamatyčnych misij krain Jeŭraźviazu, akredytavanych u Biełarusi. Na sustrečy prysutničali pradstaŭniki dypłamatyčnych misij Niamieččyny, Šviecyi, Vialikaj Brytanii, Francyi, Italii, Letuvy, Polščy, Łatvii, Čechii, Słavakii, Słavienii, Baŭharyi j Rumynii.
Alaksandar Milinkievič źviarnuŭ uvahu dyplamataŭ na toje, što admietnaściu novaj chvali represij źjaŭlajecca ich vidavočnaja śkiravanaść na moładź, jakaja ŭziała aktyŭny ŭdzieł u padziejach prezydenckaj kampanii-2006. «Adnak, palityčna aktyŭnaja moładź nia zhodna čakać pakul režym pierasadžaje ŭsich,» - adznačyŭ u razmovie z dyplamatami Alaksandar Milinkievič. Moładzievyja arhanizacyi raspačali šyrokuju previentyŭnuju hramadzianskuju kampaniju z metaj spynić narastajučy kryminalny pieraśled maładych aktyvistaŭ z boku ŭłady, paviedamiła pres-słužba eks-kandydata ŭ prezydenty.
Čamu YouTube vydaliŭ kanały BiełTA, STB i ANT? Voś što viadoma11
Kamientary