Piać uznaharod zavajavali biełaruski na čempijanacie śvietu pa mastackaj himnastycy
Piać miedaloŭ — dva siarebranyja i try bronzavyja — zavajavali biełaruskija spartsmienki na CHCHCH čempijanacie śvietu pa mastackaj himnastycy, jaki prajšoŭ u Maskvie z 19 pa 26 vieraśnia.
Druhija miescy biełaruski zaniali ŭ kamandnych spabornictvach (Luboŭ Čarkašyna, Mielicina Staniuta, Hanna Rabcava, Alaksandra Narkievič) i hrupavym mnahaborstvie (Maryna Hančarova, Anastasija Ivankova, Alaksandra Osipava, Ksienija Sankovič, Alina Tumiłovič).
Bronzavyja ŭznaharody dastalisia im u indyvidualnym mnahaborstvie, praktykavańni sa skakałkaj (abiedźvie — Mielicina Staniuta) i hrupavym praktykavańni z tryma stužkami i dźviuma skakałkami.
U ahulnym miedalnym zaliku Biełaruś (0, 2, 3) zaniała treciaje miesca paśla Rasii (8, 5, 1) i Italii (1, 2, 0). Na čaćviortym miescy Azierbajdžan (0, 0, 4), na piatym — Bałharyja (0, 0, 1).
Na letašnim čempijanacie śvietu ŭ Japonii biełaruskija himnastki zavajavali try siarebranyja i dva bronzavyja miedali, zaniaŭšy treciaje miesca paśla Rasii (7, 3, 2) i Italii (2, 1, 0).
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary