«Biełaruś imkniecca da taho, kab paśla vybaraŭ nichto palcam na nas nie pakazvaŭ. Dziejnamu prezidentu heta zusim nie treba», — zajaviŭ Alaksandr Łukašenka na
Biełarusi, padkreśliŭ Łukašenka, nieabchodna, kab «hetyja vybary prajšli nie horš čym papiarednija». «Chacia nie viedaju, jakija pretenzii mohuć być da tych», — dadaŭ jon. «Naša pramaja zacikaŭlenaść u tym, kab zarehistravali ŭsich kandydataŭ», — zajaviŭ prezident.
Jak paviedamiła Dala Hrybaŭskajcie, u chodzie pieramoŭ Alaksandr Łukašenka paabiacaŭ joj, što buduć zarehistravanyja ŭsie kandydaty, i što na vybarach buduć prysutničać naziralniki.
«Paśla vybaraŭ my spadziajemsia, što Biełaruś stanie bolš adkrytaj i budzie abaraniać pravy čałavieka. Litva, jak i Jeŭrasajuz, z nadziejaj hladzić na Biełaruś i novyja vybary. Jeŭropa hatova pryznać adkrytaść vybaraŭ, kali vy zmožacie heta prademanstravać», — skazała prezident Litvy.
«Na praciahu 10 hadoŭ, — adznačyła Hrybaŭskajcie, — Jeŭropa nibyta pabudavała kitajskuju ścianu pamiž saboj i Biełaruśsiu, a jaje nie pavinna być. Tolki supracoŭnictva pryniasie karyść jak Jeŭropie, tak i Biełarusi».
Pavodle słoŭ litoŭskaha prezidenta, jaje siońniašni vizit śviedčyć ab tym, što Litva pačała i ŭmacoŭvaje dyjałoh ź Biełaruśsiu». «My nie možam štości nasilna prapanoŭvać Biełarusi, ale my adkrytyja da dyjałohu», — skazała Hrybaŭskajcie.
U adkaz na heta Łukašenka adznačyŭ: «My lubuju dapamohu hatovy pryniać ad litoŭskaj dziaržavy i prezidenta, naturalna, z ulikam našych intaresaŭ».
Biełaruski kiraŭnik vykazaŭ upeŭnienaść u tym, što paśla prezidenckich vybaraŭ intensifikujucca adnosiny Biełarusi jak ź Litvoj, tak i ź ES.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary