Litoŭskaja delehacyja sustrełasia z kandydatami ŭ prezidenty. Ale spaźniłasia na paŭtary hadziny ad taho, što zaciahnuŭsia abied u Łukašenki.
U časie vizitu Dali Hrybaŭskajcie ŭ Miensk adbyłasia jaje sustreča ź piaćciu patencyjnymi kandydatami ŭ prezidenty Biełarusi — Ryhoram Kastusiovym, Uładzimieram Niaklajevym, Jarasłavam Ramančukom, Vitalom Rymašeŭskim i Andrejem Sańnikavym.
Sustreča była karotkaja, u budynku litoŭskaha pasolstva. Litoŭskaja delehacyja spaźniłasia na paŭtary hadziny ad taho, što zaciahnuŭsia abied u Łukašenki.Udzielniki sustrečy paviedamili, što Dala Hrybaŭskajcie i ministr zamiežnych spravaŭ Litvy Aŭdronius Ažubalis zaklikali ich abjadnacca i vybrać adzinaha kandydata.
Hrybaŭskajcie koratka painfarmavała lideraŭ apazicyi pra źmiest razmovaŭ z Alaksandram Łukašenkam i jahonyja abiacańni.
Vital Rymašeŭski ŭ intervju ahienctvu BiełaPAN razmovu acaniŭ stanoŭča.
Jarasłaŭ Ramančuk byŭ bolš skieptyčny: «Dla mianie tak i zastałasia niezrazumiełaju asnoŭnaja meta vizitu spadaryni Hrybaŭskajcie ŭ Miensk. Hroš cana abiacańniam Łukašenki. Łukašenka znoŭ atrymaŭ mahutny pijar, a my bačym, što Zachad adnosna jaho nie maje supolnaj pazicyi».
Krytyčna pastaviŭsia da razmovy i Sańnikaŭ: jon źviarnuŭ uvahu, što prezidentka Litvy nie ŭźnimała pytańnia palityčnych zabojstvaŭ u Biełarusi.
U Niaklajeva ž paśla sustrečy zastałosia ŭražańnie, što «apazicyi na majučych adbycca vybarach nie varta čakać padtrymki ni ad Rasii, ni ad Jeŭrasajuza».
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš13
Kamientary