Nadziei ŭładaŭ na raptoŭnaje raźvićcio turyzmu ŭ Biełarusi nia spraŭdzilisia. Na dniach vyśvietliłasia, što navat bujnyja turfirmy zavalili vykanańnie planu pa akazańni pasłuhaŭ. Za heta kala 250 prafesijanałaŭ turbiznesu, zaprošanych pad rośpis, adsaramacili pa poŭnaj prahramie na naradzie ŭ Mienharvykankamie.
Nadziei ŭładaŭ na raptoŭnaje raźvićcio turyzmu ŭ Biełarusi nia spraŭdzilisia. Na dniach vyśvietliłasia, što navat bujnyja turfirmy zavalili vykanańnie planu pa akazańni pasłuhaŭ. Za heta kala 250 prafesijanałaŭ turbiznesu, zaprošanych pad rośpis, adsaramacili pa poŭnaj prahramie na naradzie ŭ Mienharvykankamie.
Šmat jakija kiraŭniki turfirmaŭ navat nie padazravali, što ich pradpryjemstvy trapili ŭ čorny śpis. Reč u tym, što statystyčnaja spravazdačnaść akazanych pasłuh viadziecca adrazu pa dźviuch formach. Adna ź ich uličvaje abjomy ŭsich akazanych pasłuh – i pa joj aŭtsajderaŭ siarod turfirmaŭ značna mienš. Druhaja viadzie ŭlik bolš abmiežavanaj kolkaści pakaźnikaŭ. Ministerstva statystyki i analizu ličyć abjomy mienavita pa joj i zajaŭlaje, što taki ŭlik adpaviadaje mižnarodnym standartam.
Štohadovy pryrost akazanych turpasłuhaŭ, na dumku ŭładaŭ, musić składać 20%. Letaś niekatoryja turfirmy dasiahnuli hetych pakaźnikaŭ. Za što i raspłočvajucca ciapier: pieraplunuć siabie letašnich nia tak i prosta. Chacia b tamu, što nasupierak čakańniam uradu patok inšaziemnych turystaŭ u Biełaruś nia tolki nia vyras, ale i źmienšyŭsia. Navat tranzytnyja turysty zahladajuć da nas usio radziej, skaračajuć da minimumu znachodžańnie ŭ biełaruskich hatelach. Biełarusy taksama stali mienš vandravać. Ich pužajuć nia stolki vysokija ceny, kolki niepradumanyja dziejańni padatkavych orhanaŭ, jakija sioleta ŭletku razasłali ŭ turfirmy listy z nastojlivaj prośbaj «zdavać» svaich klijentaŭ, jakija adpačyvajuć u Turcyi, Ehipcie, Tunisie. U vyniku i ŭjaznyja, i vyjaznyja turysty abyšli biełaruskija turystyčnyja firmy zadala. Zamiežniki prakłali maršruty pa susiednich krainach, a biełarusy stali afarmlać pucioŭki ŭ Rasiei, Ukrainie, Litvie, dzie nichto nie pytaje, adkul uzialisia hrošy na adpačynak.
— Padzieńnie abjomu paznačanych pasłuhaŭ było zahadzia zaprahramavanaje, – ličyć dyrektar adnoj ź biełaruskich turfirmaŭ. – Z turfirmaŭ patrabujuć realna pavysić abjomy, u toj čas jak u nas niama ŭłasnaha aŭtobusnaha parku, sytuacyja na miažy, mytni, u hatelach, dzie z zamiežnikaŭ ra-raniejšamu dziaruć try škury, nie źmianiajecca. Usie hetyja prablemy zvalilisia na turbiznes uvadnačas. Ale nichto ŭ našaj dziaržavie nia ŭziaŭsia praanalizavać ich. Značna praściej «najechać» na turfirmy i zapatrabavać ad ich vykanańnia niaspraŭdžvalnych planaŭ
Pobač z Łukašenkam na chakiei źjaviłasia novaja pryhažunia8
Kamientary