Biudžet pražytačnaha minimumu pavyšajecca da 283.050 rubloŭ

Zaćvierdžany novy biudžet pražytačnaha minimumu ŭ siarednim na dušu nasielnictva i pa asnoŭnych sacyjalna-demahrafičnych hrupach u cenach vieraśnia 2010 hoda ŭ raźliku na adzin miesiac. Jak paviedamiła pres-słužba ŭrada, adpaviednuju pastanovu № 1567 Saviet ministraŭ pryniaŭ 26 kastryčnika 2010 hoda.

Pieryjad dziejańnia sacyjalnaha narmatyvu — z 1 listapada hetaha hoda pa 31 studzienia 2011 h.

Biudžet pražytačnaha minimumu (BPM) u siarednim na dušu nasielnictva ź listapada składzie 283.050 rubloŭ. Dla pracazdolnaha nasielnictva BPM vyznačany ŭ pamiery 302.490 rubloŭ, dla piensijanieraŭ — 252.230, dla dziaciej-studentaŭ — 302.950, dla dziaciej va ŭzroście ad troch da 16 hadoŭ — 345.380, dla dziaciej va ŭzroście da troch hadoŭ — 251.830 rubloŭ.

Novy BPM pavialičyŭsia na 3,1% da BPM, jaki dziejničaje z 1 žniŭnia pa 31 kastryčnika (274.510 rubloŭ).

Ź listapada na 3,1% uzrastuć pamiery dziaržaŭnych dapamoh siemjam, jakija vychoŭvajuć dziaciej. Buduć adpaviedna pavialičany pamiery sacyjalnych piensij, a taksama nadbaŭki i pavyšeńni, ustanoŭlenyja da piensij asobnych katehoryj piensijanieraŭ.

Štokvartalna biudžet pražytačnaha minimumu zaćviardžajecca ŭradam u cenach apošniaha miesiaca kožnaha kvartała. U adpaviednaści z zakonam «Ab pražytačnym minimumie ŭ Respublicy Biełaruś» BPM pryznačany dla analizu i prahnazavańnia ŭzroŭniu žyćcia nasielnictva, akazańnia dziaržaŭnaj sacyjalnaj dapamohi małazabiaśpiečanym hramadzianam (siemjam), abhruntavańnia minimalnych dziaržaŭnych sacyjalna-pracoŭnych harantyj. BPM vykarystoŭvajecca dla acenki ŭzroŭniu dachodaŭ nasielnictva, pamieraŭ apłaty pracy, piensij, dapamoh i inšych sacyjalnych vypłat, vyznačeńnia ŭzroŭniu i maštabaŭ małazabiaśpiečanaści.

Biudžet pražytačnaha minimumu ŭjaŭlaje saboj vartasnuju vieličyniu minimalnaha naboru materyjalnych vyhod i pasłuh, nieabchodnych dla zabieśpiačeńnia žyćciadziejnaści čałavieka i zachavańnia jaho zdaroŭja, a taksama abaviazkovyja płaciažy i ŭznosy.

Struktura biudžetu pražytačnaha minimumu ŭ siarednim na dušu nasielnictva ŭ cenach vieraśnia 2010 hoda pa artykułach raschodaŭ nastupnaja: pradukty charčavańnia — 54%; płata za karystańnie žyłym pamiaškańniem i kamunalnyja pasłuhi — 16%; pradmiety harderobu — 17,4%; bytavyja i transpartnyja pasłuhi — 6,6%; tavary bytavoha i haspadarčaha pryznačeńnia — 3,3%; uznosy i płaciažy — 0,5%; pradmiety pieršaj nieabchodnaści, sanitaryi i leki — 2,2%.

Biudžet pražytačnaha minimumu dla pracazdolnaha nasielnictva prymianiajecca dla vyznačeńnia sumy vyličeńnia srodkaŭ z najmalnikaŭ, jakija majuć zapazyčanaść pa vypłacie zarabotnaj płaty, i bazavaha miežavaha narmatyvu taryfnaj staŭki pieršaha razradu dla kamiercyjnych arhanizacyj dziaržaŭnaj formy ŭłasnaści i z dolaj ułasnaści dziaržavy ŭ ich majomaści.

• 0
• 0
• 0
• 0
• 0
• 0
• 0
• 0