Makiej pra 3 miljardy jeŭra: Kali z palityčnymi ŭmovami, jany nam niepatrebnyja
U časie Minskaha foruma kiraŭnik administracyi Alaksandra Łukašenki Uładzimir Makiej prakamientavaŭ prapanovu jeŭrapiejskich ministraŭ.
U časie Minskaha foruma kiraŭnik administracyi Alaksandra Łukašenki Uładzimir Makiej tak prakamientavaŭ prapanovu jeŭrapiejskich ministraŭ ab vydzialeńni Minsku troch miljardaŭ jeŭra na praciahu troch hadoŭ uzamien za praviadzieńnie svabodnych vybaraŭ:
«Miljardy dziela miljardaŭ, inviestycyi dziela inviestycyj nam niepatrebnyja. Kali hrošy buduć abstaŭlać palityčnymi ŭmovami, to jany nam niepatrebnyja».
Nahadajem, što 2 listapada Minsk naviedali adrazu dva kiraŭniki MZS krainaŭ Jeŭrasajuza. Vestervele j Sikorski pryjechali ŭ Biełaruś, kab davieści pazicyju ES adnosna vybaraŭ.
«Kali Łukašenka praviadzie sumlennyja vybary, Biełaruś moža atrymać ad ES 3 młrd jeŭra», — u łob zajaviŭ u Minsku ministr zamiežnych spraŭ Polščy Radasłaŭ Sikorski.
Na čym hruntujucca takija raźliki? Sikorski adznačyŭ, što jany bazujucca na toj dapamozie, što Jeŭrasajuz akazvaje Małdovie. Ciaham dvuch hadoŭ hetaja postsavieckaja kraina musić atrymać 2 miljardy jeŭra. «A pakolki Biełaruś bolšaja kraina, to i dapamoha musić być bolšaj», — zaznačyŭ polski dypłamat.
Krynicami atrymańnia hetych finansaŭ moža być Mižnarodny valutny fond, Jeŭrapiejski inviestycyjny bank, Jeŭrapiejski bank rekanstrukcyi i raźvićcia, makrakredyty.
«Havorka pra jakaść, a nie vynik vybaraŭ», — akcentavaŭ uvahu Sikorski.Hetyja słovy paŭtaralisia ŭvieś čas.
«Prezident Biełarusi nam siońnia klatvienna paabiacaŭ, što vybary projduć sumlenna. My pavieryli jamu na słova», — zajaviŭ kiraŭnik polskaha zamiežnapalityčnaha viedamstva.
Ciapier čytajuć
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary