Bolšaść rekłamy ŭ Biełarusi vyrablajecca pa-rasiejsku. U adroźnieńnie ad susiednich krain, u nas hetaje pytańnie nijak nie rehulujecca. Tady jak u šerahu susiednich krain prefierencyja nacyjanalnaj movie zamacavanaja zakanadaŭča.
Tolki niekatoryja kampanii, naprykład, dylery «Samsunha», «Reno», «Haliny Błanki», «Śniežki», paśladoŭna prasoŭvali svoj tavar pa-biełarusku. Hetak robić i častka biełaruskich vytvorcaŭ, skažam, zavod Henkel sa svajoj markaj «Ceresit». U toj ža čas u biełaruskamoŭnych vydańniach, raźličanych na adpaviednaha čytača, traplajecca šmat rasiejskamoŭnaj rekłamy. Bolšaść rekłamadaŭcaŭ prosta nie zvažajuć na moŭny faktar.
U takoj situacyi źviarnuła ŭvahu, što admysłova biełaruskamoŭnuju kampaniju raspačaŭ «Biełźniešekanombank». Jon raźmiaściŭ svaju rekłamu pa-biełarusku navat u «Sovietskoj Biełoruśsii», dzie movu treba šukać udzień sa śviečkaju.
Cikava, što heta bank naležyć rasiejskamu kapitału.
U hety raz jon rekłamuje svaje depazity ŭ rublach, dalarach i jeŭra.
Kamientary