Maskoŭskija psieŭdasacyjołahi: Rejtynh Niaklajeva raście
Takuju infarmacyju raspaŭsiudziła blizkaje da rasijskich śpiecsłužbaŭ ahienctva «Rehnum».
Rejtynh Łukašenki mienšy, čym rejtynhi apazicyjnych kandydataŭ. A najbolš raście rejtynh Niaklajeva. Takuju infarmacyju raspaŭsiudziŭ maskoŭski centr «Socyum» praź blizkaje da rasijskich śpiecsłužbaŭ ahienctva «Rehnum».
Pra svajo pieršaje apytańnie hety sacyjałahičny centr abvieściŭ u listapadzie.
Tady
«Naša Niva» vyjaviła, što na ichnim sajcie niama nijakich kantaktaŭ, aproč niepracoŭnych mejłaŭ.A papiaredniaje apytańnie było imi praviedzienaje až… u mai
Niahledziačy na nieviadomaść sacyjałahičnaj słužby, ličby rejtynhu biełaruskich kandydataŭ chutka padchapili viadučyja rasijskija ŚMI. Prynamsi, jany fihuravali ŭ siužecie telekanała NTV.
Viadomy biełaruski sacyjołah Andrej Vardamacki kaža, što nikoli nie sutykaŭsia z «Socyumam». «Nie čuŭ pra ich», — kaža A.Vardamacki.
Na dumku sacyjołaha, pravieści takoje apytańnie ŭ Biełarusi tearetyčna mahčyma, ale vielmi ciažka.
«Pytańnie najpierš nie ŭ finansach, a ŭ kvalifikacyi kadraŭ, jakaści pracy. Tak lohka heta nie zrobiš», — miarkuje kiraŭnik analityčnaha centru «Novak».
Jašče razčej pra ich vykazaŭsia prafiesar sacyjałohii Aleh Manajeŭ.
Charakterna, jaki sajt pieršym paviedamiŭ pra vyniki apytańnia. Regnum maje reputacyju rupara rasijskich śpiecsłužbaŭ u spravach krain byłoha SSSR. U biełaruskaj redakcyi pracujuć ludzi, što vystupajuć za abjadnańnie z Rasijaj, ale biez Łukašenki.
Vyhladaje na toje, što Maskva admysłova idzie na padtasoŭku apytańniaŭ, kab mieć lišni arhumient u baraćbie z Łukašenku.
Zrešty, užo «adekvatny» adkaz «Socyumu» dała łukašenkaŭski Instytut sacyjalnych i palityčnych daśledavańniaŭ. Pavodle ich źviestak, za Łukašenku hatovyja hałasavać 71% apytanych. Tady jak rejtynhi apazicyjnych kandydataŭ nie pieravyšajuć 1,5%.
Sacyjałahičnaja vajna robataŭ praciahvajecca.
Kamientary