Siamaška: Pahadnieńnie ab biaspošlinnych pastaŭkach nafty budzie biesterminovym

Pahadnieńnie ab biaspłatnych pastaŭkach nafty i naftapraduktaŭ u Mytnym sajuzie, padpisanaje 9 śniežnia ŭ Maskvie, pačnie dziejničać 1 studzienia 2011 hoda i budzie biesterminovym, zajaviŭ pieršy vice-premjer Biełarusi Uładzimir Siamaška pa vynikach učarašniaha samita.

«Padpisana biesterminovaje pahadnieńnie. Pastaŭki nafty, naftapraduktaŭ i pryrodnaha hazu ŭnutry Mytnaha sajuza troch dziaržaŭ buduć ažyćciaŭlacca biez pošlin, kvatavańnia i abmiežavańniaŭ», — cytuje Siamašku pres-słužba prezidenta Biełarusi.

«Haz my atrymlivali biaspošlinna, ale zaŭsiody byli niejkija sumnieńni. Ciapier hetaja prefierencyja pastajannaja ŭ ramkach Mytnaha sajuza», — dadaŭ Siamaška.

Jon taksama patłumačyŭ miechanizm raździaleńnia ekspartnych pošlin: pry eksparcie ŭ trecija krainy nafty, što zdabyvajecca ŭ Biełarusi, a heta prykładna 1,7 młn. ton, «usia vyvaznaja mytnaja pošlina budzie zastavacca ŭ biudžecie Biełarusi». «A ŭsie pošliny na naftapradukty, niahledziačy na pachodžańnie: ci to jany z rasijskaj nafty, ci to ź biełaruskaj, pojduć u biudžet Rasii. U hetym zaklučajecca kampramis», — skazaŭ pieršy vice-premjer.

Takaja schiema budzie dziejničać na praciahu troch hadoŭ da taho momantu, pakul try krainy Mytnaha sajuza nie vypracujuć inšaha miechanizmu raździeła vyvaznych mytnych pošlin.

Što da vieniesuelskaj nafty i nafty z trecich krain, to, pavodle słoŭ Siamaški, «usie trecija krainy vyviedzienyja za miežy hetych pahadnieńniaŭ». «Pa-za Mytnym sajuzam takaja nafta ŭvozicca ŭ režymie časovaj pierapracoŭki. Usie pošliny pry vyvazie hetaj pradukcyi buduć zastavacca ŭ biudžecie Biełarusi», — patłumačyŭ pieršy vice-premjer.

Nahadajem, 9 śniežnia ŭ Maskvie byŭ padpisany pakiet dakumientaŭ, jakija farmirujuć dahavorna-pravavuju bazu Adzinaj ekanamičnaj prastory (AEP) Mytnaha sajuza.

Pa vynikach pasiadžeńnia vyšejšaha orhana Mytnaha sajuza Biełarusi, Kazachstana i Rasii padpisanyja pahadnieńnie ab uzhodnienaj makraekanamičnaj palitycy, pahadnieńnie ab stvareńni ŭmoŭ na finansavych rynkach dla svabodnaha ruchu kapitału i pahadnieńnie ab uzhodnienych pryncypach valutnaj palityki.

Kiraŭniki dziaržaŭ pryniali taksama dekłaracyju, u jakoj zajavili ab tym, što sfarmiravana dahavorna-pravavaja baza AEP u ramkach JeŭrAzES.

«U adpaviednaści z płanam dziejańnia pa farmiravańni AEP, zaćvierdžanym 19 śniežnia 2009 hoda, hetyja dakumienty nabuduć moc z 1 studzienia 2012 hoda, što budzie aznačać pačatak paŭnacennaha funkcyjanavańnia Adzinaj ekanamičnaj prastory Biełarusi, Kazachstana i Rasii», — havorycca ŭ dekłaracyi.

Alaksandr Łukašenka paabiacaŭ ratyfikavać dakumienty pa AEP da 1 studzienia. «My, ja heta abiacaju, zrobim raniej i Rasii, i Kazachstana, ale Biełaruś zrobić heta absalutna ŭ termin — da 1 studzienia», — zajaviŭ jon na pres-kanfierencyi pa vynikach samita.

• 0
• 0
• 0
• 0
• 0
• 0
• 0
• 0