Sistemnych krokaŭ pa libieralizacyi ŭ halinie pravoŭ čałavieka biełaruskaja ŭłada nie zrabiła. Takoje mierkavańnie vykazali pravaabaroncy ŭ suviazi ź Mižnarodnym dniom pravoŭ čałavieka, jaki adznačajecca 10 śniežnia.
Dzień pravoŭ čałavieka byŭ zasnavany ŭ 1950 hodzie. Data 10 śniežnia vybrana ŭ honar abviaščeńnia Hienasamblejaj AAN Usieahulnaj dekłaracyi pravoŭ čałavieka (10 śniežnia 1948 hoda). Dekłaracyja stała pieršym suśvietnym dakumientam, jaki sfarmulavaŭ pałažeńni ab pravach čałavieka.
Jak zajaviŭ pravaabaronca Valancin Stefanovič, u Biełarusi adznačana skaračeńnie kolkaści represij. «Značna mienš palityčna matyvavanych kryminalnych spraŭ i pryhavoraŭ. Aktyvistaŭ demakratyčnych ruchaŭ ciapier štrafujuć, a nie prymianiajuć da ich administracyjny aryšt.
Ale ŭsio heta źviazana, chutčej, ź pieradvybarnaj situacyjaj, z žadańniem ułady spadabacca Zachadu, a nie z ahulnym palapšeńniem situacyi», — ličyć Stefanovič.
Sistemnych krokaŭ u palapšeńni situacyi z pravami čałavieka ŭłada nie zrabiła, pierakanany jon.
«Artykuł 193–1, jaki praduhledžvaje kryminalnuju adkaznaść za dziejnaść ad imia niezarehistravanaj arhanizacyi, u Kryminalnym kodeksie zastaŭsia. Ułada jaho nie vykarystoŭvaje ŭ apošnija dva hady, ale jon jak faktar zapužvańnia isnuje», — kanstatavaŭ pravaabaronca.
Stefanovič taksama adznačyŭ, što ŭ Biełarusi
Aleh Hułak, kiraŭnik Biełaruskaha Chielsinkskaha kamiteta, adzinaj zarehistravanaj u Biełarusi pravaabarončaj arhanizacyi, taksama ŭkazaŭ na peŭnaje palapšeńnie situacyi z pravami čałavieka ŭ Biełarusi. Heta adbyłosia šmat u čym dziakujučy pravaabaroncam, ličyć jon.
«Źniziŭsia ŭzrovień represij, mnohija hramadzianie zmahli atrymać jurydyčnuju dapamohu i nie stali achviarami samavolstva. Akramia taho, my pačali sistemnuju sumiesnuju rabotu pravaabaroncaŭ. Heta tyčycca infarmavańnia zamiežnych arhanizacyj pa prablemach z pravami čałavieka ŭ Biełarusi», — zajaviŭ Hułak. Adnak, pavodle jaho słoŭ, sistemnych źmienaŭ z pravami čałavieka ŭ Biełarusi nie adbyłosia. «Nas niepakoić prymianieńnie kantraktnaj sistemy, kali ŭ Biełarusi parušajucca pravy na pracu, biaźmiežža ŭ dačynieńni da ludziej u milicyi, poŭnaja zaležnaść sudovaj sistemy ad vykanaŭčaj ułady, śmiarotnaja kara, najaŭnaść u krainie palityčnych źniavolenych», — adznačyŭ Hułak.
-
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»
-
Troch čałaviek, zatrymanych pa spravie ab «padrychtoŭcy teraktaŭ», pačnuć sudzić u kastryčniku
-
«Za kožnaj pryhožaj karcinkaj staić vialikaja praca». Biełaruska raskazała, jak źniałasia ŭ modnym časopisie Vogue
Kamientary