Nia my raby

Biełarusaŭ pałochajuć zamiežnaju niavolaju. U toj ža čas robiacca viadomymi vypadki, kali ŭ roli rabaŭładalnikaŭ vystupajuć biełaruskija hramadzianie. Jany dziejničajuć na radzimie, a taksama za miažoju, vykarystoŭvajuć pracu suhramadzianaŭ i zamiežnikaŭ.

Vyniki dziejnaści biełaruskich pravaachoŭnikaŭ u vobłaści supraćdziejańnia handlu ludźmi ŭražvajuć z roznych pryčynaŭ: ad pačatku hodu ŭ Biełarusi vyjaŭlena 290 złačynstvaŭ u hetaj sfery, ź ich – 80 vypadkaŭ źviazanyja z vyvazam achviaraŭ za miažu. Z metaj ekspluatacyi biełarusaŭ vyvoziać u krainy Eŭropy dy Bližniaha Ŭschodu. Ale niekatoryja fakty prymušajuć pa-inšamu zirnuć na šyroka anansavanuju ŭ ŚMI kampaniju suprać handlu ludźmi. Dahetul viałosia pra niebiaśpieku nieabdumanaha vyjezdu na pracu za miažu ŭłasna dla biełarusaŭ. Ciapier ža navat aficyjnyja ŚMI pišuć pra vypadki, kali ŭ roli sučasnych rabaŭładalnikaŭ vystupajuć biełarusy. Svaich achviaraŭ jany adšukvajuć nia tolki siarod suhramadzianaŭ, ale j pryvoziać z-za miažy. Niekalki krasamoŭnych vypadkaŭ śviedčać, što varta padkarektavać teksty antyniavolnickich rolikaŭ, uklučyŭšy ŭ ichny źmiest infarmacyju pra ŭnutranuju niebiaśpieku.

U Babrujsku adna siamja kolki dzion siłaj utrymlivała dziaŭčynu, jakuju baćka i jaho niepaŭnaletnija syny zmušali da seksu, a haspadynia vykarystoŭvała jak chatniuju prysłuhu. Śledztva vyśvietliła, što heta nia pieršy vypadak, źviazany z hetaj siamjoj: pieršaja ichniaja achviara praviała ŭ rabstvie amal paŭhodu.

Biełaruskim pravaachoŭnikam stali viadomyja i niekalki vypadkaŭ ahrarnaha rabstva. Mienski fermer čatyry miesiacy ŭtrymlivaŭ niepaŭnaletnich bratoŭ z Kapylskaha rajonu. Chłopčyki ciažka pracavali ad 6-j ranicy za talerku niščymnaj poliŭki, spali na padłozie. A ŭ Asipovickim rajonie «pradprymalny» dziaciuk paŭtara miesiaca pratrymaŭ na ŭłasnaj haspadarcy dvuch ziemlakoŭ. Prymušaŭ ich ciažka pracavać, počastu źbivaŭ, zamykaŭ u haražy.

Žycharka Miensku «słuhaŭ» znachodziła ŭ susiedniaj Rasiei. Pryvoziła ź Leninhradzkaj vobłaści žančyn, što nia mieli žytła i pracy. Niebaraki pracavali, nie razhinajučysia, pa 15 hadzinaŭ u sutki, spali na padłozie ŭ chałodnym pamiaškańni, charčavalisia tym, što zastavałasia ad «haspadarskaha» stała. Pa źviestkach MUS, sioleta zafiksavanyja 16 vypadkaŭ vykarystańnia fizyčnaj siły zamiežnych hramadzianaŭ.

U Varšavie zatrymanyja troje biełarusaŭ, što za 400 dalaraŭ «uładkoŭvali» na pracu suajčyńnic. Adna z zatrymanych žančyn za padobnyja złačynstvy znachodziłasia ŭ vyšuku ŭ Biełarusi. Niahledziačy na ryzyku apynucca ŭ rabstvie, žančyny z stabilnaj i kvitniejučaj usio adno jeduć za miažu na sumnieŭnyja zarobki. Pavodle źviestak polskaha boku najbolšuju kolkaść achviaraŭ prymusovaj prastytucyi składajuć biełaruski.

Pavialičyć

Tradycyi i sučasnaść. Skotniki kałhasu «Biełaruś» hruziać siłas. Červieński rajon.

• 0
• 0
• 0
• 0
• 0
• 0
• 0
• 0