U 2006 h. takich było 31,3%.
Usiaho padčas daterminovaha hałasavańnia na vybarach prezidenta Biełarusi vybarčyja ŭčastki naviedali 1 młn. 629 tys. 191 vybarščyk, abo 23,1% ad uklučanych u śpisy dla hałasavańnia. Na praciahu piaci dzion najbolš aktyŭna hałasavała Viciebskaja vobłaść, dzie ŭčastki naviedali 34,6% vybarščykaŭ. U Bresckaj vobłaści prahałasavali 18,8%, Homielskaj — 24,1%, Hrodzienskaj — 23,4%, Minskaj — 20,4%, Mahiloŭskaj — 26,4, u Minsku — 17,7%.
Na zamiežnych učastkach prahałasavali 28,2% vybarščykaŭ.
Na prezidenckich vybarach 2006 hoda ŭ daterminovym hałasavańni ŭziali ŭdzieł 31,3% vybarščykaŭ.
Nahadajem, taki vialiki pracent tych, chto prahałasavaŭ daterminova, vyklikaje padazreńnie ŭ naziralnikaŭ.
Pavodle słoŭ ekśpierta ŭ śfiery vybarčaha prava Siarhieja Alfiera, praktyka daterminovaha hałasavańnia isnuje ŭ bolšaści krain Jeŭropy. Adnak pakazčyk tych, chto daterminova hałasuje, vysoki tolki tam, dzie možna hałasavać pa pošcie, u tym liku elektronnaj, padkreśliŭ jon. «Pa pošcie daterminova prahałasavać mohuć i 10–20%, tamu što heta zručna», — rastłumačyŭ ekśpiert.
U tych krainach, dzie vybarščyki pavinny naviedać učastki, daterminova hałasujuć, jak praviła, 1–2, maksimum 5%. «Kali pakazčyk vybarščykaŭ, jakija prahałasavali daterminova, vyšejšy za paru pracentaŭ, heta ŭžo vyklikaje pytańnie», — zaŭvažyŭ Alfier.
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što51
Kamientary