Kandydat u prezidenty Aleś Michalevič prahałasavaŭ za samoha siabie.
Pra heta jon paviedamiŭ žurnalistam 19 śniežnia paśla taho, jak apuściŭ biuleteń u skryniu dla hałasavańnia na vybarčym učastku ŭ Minsku pa praśpiekcie Mašerava, 25.
«Liču, što zdolny kiravać dziaržavaj,
— prakamientavaŭ jon svoj vybar. — Kali b ja nie moh damovicca z samim saboj, to nie išoŭ by na vybary. Ja hałasavaŭ za evalucyjnuju madernizacyju, za Biełaruś jak kvitniejučuju jeŭrapiejskuju dziaržavu».
Adkazvajučy na pytańnie, kaho z kandydataŭ jon ličyć svaim supiernikam, Michalevič skazaŭ:
«Mnie pryjemna, što jość stolki kandydataŭ.
Dumaju, što kožny ź ich pierš za ŭsio partnior».
Na dumku Michaleviča, uzrovień arhanizacyi vybaraŭ «dastatkova vysoki».
Adkazvajučy na pytańnie, jaki pracent hałasoŭ vybarščykaŭ jon raźličvaje atrymać, Michalevič skazaŭ, što
«ŭsio zaležyć ad abjektyŭnaści padliku hałasoŭ».
«Ja zaŭsiody zajaŭlaŭ, što pry takoj kolkaści kandydataŭ ja raźličvaju bolš čym na 10%», — dadaŭ kandydat u prezidenty. Kamientujučy zaklik bajkatavać vybary, Michalevič adznačyŭ, što «zaŭsiody byŭ suprać bajkotu». «Heta nie mietad vyrašeńnia prablemy, ludzi zaŭsiody sprabujuć šukać lohkija adkazy na składanyja pytańni, — skazaŭ jon. — Adkaz — u aktyŭnym udziele».
Uviečary 19 śniežnia Michalevič płanuje pryjści na Kastryčnickuju płošču.
«Ja nie źjaŭlajusia arhanizataram hetaj akcyi, ja pryjdu tudy, kab pakazać svaju hramadskuju pazicyju,
— skazaŭ jon. — Ja nie źbirajusia nikoha zaklikać, ale, na moj pohlad, ab parušeńniach śviedčyć vielizarny adsotak daterminovaha hałasavańnia. Upeŭnieny, što i siońnia nazirańnie pakaža vialikaja kolkaść parušeńniaŭ».
«Upeŭnieny, što siarod inšych kandydataŭ jość ludzi, jakija zojmuć na płoščy aktyŭnuju pazicyju, t
amu chaj jany biaruć adkaznaść na siabie, — skazaŭ A. Michalevič.
— Ja biaru na siabie adkaznaść jak luby hramadzianin, jaki pryjšoŭ na płošču. Chaču, kab kožny hramadzianin dla siabie taksama vyrašyŭ, ci choča jon tam być ci nie».
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što46
Kamientary