Na Źmitra Daškieviča zaviali kryminalnuju spravu

Jaho vinavaciać u źbićci dvuch čałaviek. Daškievič znachodzicca ŭ IČU HUUS Minharvykankamu.

Na sajcie MUS Biełarusi źjaviłasia paviedamleńnie pra zatrymańnie Źmitra Daškieviča. Pryvodzim jaho całkam.

18 śniežnia ŭ 18.30 u apieratyŭna-dziažurnuju słužbu Frunzienskaha RUUS Rajonnaje ŭpraŭleńnie ŭnutranych spraŭ h.Minska źviarnuŭsia kandydat u Prezidenty Respubliki Biełaruś Vital Rymašeŭski i zajaviŭ, što, pa jaho źviestkach, u hety dzień u 16.00 byŭ vykradzieny «siabar» jaho inicyjatyŭnaj hrupy Dźmitryj Daškievič. Pa dadzienych zajaŭnika, ab vykradańni jamu stała viadoma ź internetu, a sama «vykradańnie» mieła miesca pa vulicy Panamarenki: nibyta nieviadomyja ludzi schapili Daškieviča, pasadzili jaho ŭ mikraaŭtobus i pavieźli ŭ nieviadomym kirunku.

Adnak u pakazany zajaŭnikam čas D. Daškievič prymaŭ samy aktyŭny ŭdzieł ... u bojcy! Ab tym, što ŭ dvary žyłoha doma pa vuł. Ja. Bryla troje chulihanaŭ źbivajuć dvuch chłopcaŭ, u 16.25 pa telefonie «102» paviedamiŭ vidavočca bojki. Prybyłyja na miesca zdareńnia supracoŭniki pałka milicyi śpiecyjalnaha pryznačeńnia spynili bojku i tym samym vyratavali dvuch maładych ludziej ad troch chulihanaŭ, siarod jakich apynuŭsia D. Daškievič.

Usie ŭdzielniki kanfliktu byli nieadkładna dastaŭleny ŭ Maskoŭskaje RUUS Rajonnaje ŭpraŭleńnie ŭnutranych spraŭ h.Minska. Adzin z paciarpiełych surjozna paciarpieŭ ad chulihanaŭ i atrymaŭ množnyja ciełavyja paškodžańni, tamu jamu spatrebiłasia dapamoha miedycynskich rabotnikaŭ - dla hetaha jon byŭ dastaŭleny ŭ 9-ju haradskuju kliničnuju balnicu.

U chodzie dalejšaha razboru było ŭstanoŭlena, što Daškievič D.V. z dvuma svaimi pryjacielami (Łobaŭ Eduard i Łazar Dzianis), pa pakazanym adrasie z chulihanskich padachvočvańniaŭ biespadstaŭna i naŭmysna, kułakami i mietaličnym abcuhami źbili dvuch hramadzian. Pa dadzienym fakcie ŭ dačynieńni da Daškieviča, Łobava i Łazara SA PR Maskoŭskaha RUUS Rajonnaje ŭpraŭleńnie ŭnutranych spraŭ h.Minska ŭzbudžanaja kryminalnaja sprava pa č.3 art.339 KK Kryminalny kodeks RB Respublika Biełaruś (Chulihanstva). U 16.30 padazravanyja byli zatrymanyja ŭ paradku st.108 KPK RB Respublika Biełaruś i dastaŭlenyja ŭ IČU HUUS Hałoŭnaje ŭpraŭleńnie ŭnutranych spraŭ Minharvykankama.

• 0
• 0
• 0
• 0
• 0
• 0
• 0
• 0