Siabry Abjadnanaj hramadzianskaj partyi z Kalinkavičaŭ patrabujuć vyklučyć byłoha kandydata na prezydenta Jarasłava Ramančuka z šerahaŭ partyi.
Siabry AHP z Kalinkavičaŭ u svajoj zajavie adznačajuć, što fakt sustrečy spadara Ramančuka z Alaksandaram Łukašenkam «možna rasceńvać jak zdradu intaresam partyi j demakratyi».
20 śniežnia Jarasłaŭ Ramančuk ahučyŭ zajavu, u jakoj uskłaŭ adkaznaść za padziei 19 śniežnia na płoščy Niezaležnaści na byłych kandydataŭ na prezydenta Andreja Sańnikava, Mikołu Statkieviča i Vitala Rymašeŭskaha.
Dzianis Rabianok, adzin z padpisantaŭ zajavy, tłumačyć zvarot tym, što 19 śniežnia ŭ vyniku «brutalnaha j niematyvavana žorstkaha razhonu mirnaj akcyi pratestu suprać falšavańnia vynikaŭ hałasavańnia paciarpieła vialikaja kolkaść ludziej — ludzi stałaha vieku, žančyny, maładyja».
Na dumku padpisantaŭ, «usiu paŭnatu adkaznaści za hetyja niezakonnyja j antyčałaviečnyja dziejańni niasie vyšejšaje kiraŭnictva krainy, i najpierš prezydent Łukašenka».
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary