Zaŭziatary šatlandzkaha «Chartsa» patrabujuć adstaŭki prezydenta klubu litoŭskaha biznesoŭca Ŭładzimiera Ramanava, jaki taksama vałodaje litoŭskim «Kaŭnasam» i mienskim MTZ-RIPA, i vykanaŭcu abaviazkaŭ hałoŭnaha trenera «Chartsa» biełaruskaha specyjalista Eduarda Małafiejeva.
Zaŭziatary šatlandzkaha «Chartsa» patrabujuć adstaŭki prezydenta klubu litoŭskaha biznesoŭca Ŭładzimiera Ramanava, jaki taksama vałodaje litoŭskim «Kaŭnasam» i mienskim MTZ-RIPA, i vykanaŭcu abaviazkaŭ hałoŭnaha trenera «Chartsa» biełaruskaha specyjalista Eduarda Małafiejeva. U 15 tury čempijanatu Šatlandyi «Charts» minimalna sastupiŭ na svaim poli «Rejndžerz» i apuściŭsia ŭ turnirnaj tablicy na 5-je miesca.
Kapitan «Chartsa» Styven Preśli i jašče niekalki hulcoŭ starejšaha pakaleńnia zajavili, što niezadavolenyja palitykaj, jakuju pravodzić klubnaje kiraŭnictva. Da futbalistaŭ dałučylisia zaŭziatary klubu. Apošnim časam u składzie «Chartsa» źjaviłasia siamiora litoŭskich futbalistaŭ.
Letaś «Charts» zaniaŭ druhoje miesca ŭ čempijanacie Šatlandyi, sastupiŭšy tolki «Sełtyku», ale nia trapiŭ u hrupavy turnir Lihi čempijonaŭ, sastupiŭšy hreckamu AJEKu. Pry pamysnaj raskładcy «Charts» moh paspaborničać z salihorskim «Šachtaram».
Sam ža Eduard Małafiejeŭ zajaviŭ, što z radaściu viarnuŭsia b pracavać u Biełaruś, tym bolej aktyŭna tyražavalisia čutki, što jon moža ŭznačalić MTZ-RIPA, ale jaho nie adpuskaje klubnaje kiraŭnictva.
Kamientary