BNF pieradaŭ u prakuraturu 2600 paručalnictvaŭ za palitviaźniaŭ

U prakuraturu Minska ciońnia pieradadziena 2600 paručacnictvaŭ u dačynieńni da abvinavačanych pa spravie ab masavych biesparadkach 19 śniežnia, jakija pa-raniejšamu ŭtrymlivajucca ŭ śledčych izalatarach KDB i MUS.

Jak paviedamiŭ žurnalistam staršynia Partyi BNF Alaksiej Janukievič, udzielniki hetaj akcyi salidarnaści z palitviaźniami staviać svajoj metaj, sama mieniej, damahčysia źmianieńnia miery strymańnia zatrymanym na padpisku ab niavyjaździe.

Janukievič adznačyŭ, što raniej u prakuraturu pieradavalisia anałahičnyja paručycielstvy za Uładzimira Niaklajeva i Irynu Chalip. «Paručalnictvy byli pieradadzienyja litaralna za niekalki dzion da ich źmiaščeńnia pad chatni aryšt. Dumaju, jany adyhrali svaju rolu pry źmianieńni Niaklajevu i Chalip miery strymańnia. Adnak hetaha niedastatkova. Ličym, što jany pavinny być vyzvalenyja pad padpisku ab niavyjeździe», — skazaŭ staršynia Partyi BNF.

Partyja maje namier praciahvać akcyju salidarnaści z palitźniavolenymi. Pavodle słoŭ Janukieviča, jašče 1,5 tysiačy paručalnictvaŭ sabrana pa rehijonach, i heta praca budzie praciahnuta.

Kampaniju pa zbory podpisaŭ hramadzian pad chadajnictvami ab źmianieńni miery strymańnia i vyzvaleńnia źmieščanych u SIZA partyja BNF pačała kala miesiaca tamu. Paručycielstva praduhledžana Kryminalna-pracesualnym kodeksam Biełarusi. Jano zaklučajecca ŭ tym, što nie mienš jak dvoje hramadzian Biełarusi mohuć vystupić z chadajnictvam na imia orhanaŭ prakuratury, z tym kab u dačynieńni da asob, jakija znachodziacca da suda pad aryštam, była źmieniena miera strymańnia — znachodžańnie na voli pad padpiskaj ab niavyjaździe.

«Sam fakt najaŭnaści paručycielstvaŭ aŭtamatyčna nie viadzie da źmianieńnia miery strymańnia, ale źjaŭlajecca vielmi važnaj umovaŭ vychadu na volu źmieščanych u SIZA. Akramia taho, heta prademanstruje śledstvu i sudu salidarnaść i volu biełaruskaha hramadstva», — zajaŭlaŭ Janukievič 5 studzienia.

Pavodle danych pravaabaroncaŭ, u śpisie abvinavačanych pa kryminalnaj spravie ab masavych biesparadkach na siońnia 42 čałavieki. U ich liku piać eks-kandydataŭ u prezidenty — Alaksiej Michalevič, Andrej Sańnikaŭ, Mikałaj Statkievič, Uładzimir Niaklajeŭ i Vital Rymašeŭski. Michalevič, Sańnikaŭ i Statkievič pa-raniejšamu ŭtrymlivajucca ŭ SIZA KDB, Niaklajeŭ źmieščany pad damašni aryšt, Rymašeŭski znachodzicca pad padpiskaj ab nievyjaździe.

• 0
• 0
• 0
• 0
• 0
• 0
• 0
• 0