Niedachop «spabornickaha tonusu» staŭ hałoŭnaj pryčynaj nievykanańnia ŭ poŭnym abjomie płana na matč u adkaz 1/16 finału Lihi Jeŭropy z «ParySien-Žermienam », zajaviŭ hałoŭny trenier BATE Viktar Hančarenka.
«
«Jość škadavańnie, što tak zakončyŭsia matč. U nas byli momanty. Asabliva škadujem ab minskim matčy, jaki mahli vyjhrać», — skazaŭ Hančarenka. Jon nie staŭ kamientavać hulniu «PSŽ», zajaviŭšy, što heta pavinien rabić trenier sapiernikaŭ.
«BATE daŭ nam siońnia turbot, — adznačyŭ hałoŭny trenier francuzaŭ Antuan Kambuare. — Sapiernik vielmi arhanizavany, nie zabyvajcie, što piać razoŭ zapar jon stanaviŭsia čempijonam svajoj krainy».
Pavodle słoŭ Kambuare, najbolšaje napružańnie jon adčuŭ u kancy matča: «My stvaryli šmat momantaŭ, ale nie vykarystali ich, i kali b BATE ŭdałosia vyznačycca, my b pra heta vielmi paškadavali».
Niedakładnaść u atakach trenier haspadaroŭ rastłumačyŭ niedachopam hulniovaj praktyki ŭ niekatorych futbalistaŭ. «Hałoŭnaje, što my prajšli dalej, i ciapier my budziem rychtavacca da matča čempijanatu Francyi suprać „Tułuzy“. Pra matčy z „Bienfikaj“ u 1/8 finału pakul nie dumajem, ale napeŭna abiedźvie sustrečy my budziem hulać u haściach», — zajaviŭ Kambuare, majučy na ŭvazie, što ŭ Paryžy žyvie šmat partuhalcaŭ. Častka ź ich źjaŭlajucca prychilnikami «PSŽ», ale buduć pieražyvać za «Bienfiku».
Ciapier čytajuć
Siarhiej Cichanoŭski pierabraŭsia žyć u Łos-Andželes52
Kamientary