Kancert, pryśviečany vychadu trybjuta Neuro Dubel, jaki pavinien byŭ adbycca ŭ minskim kłubie «Reaktar».
Kancert, pryśviečany vychadu trybjuta Neuro Dubel, jaki pavinien byŭ adbycca ŭ minskim kłubie «Reaktar», zabaronieny.Heta ŭžo treciaja zabarona kancertaŭ hurtoŭ z ananimnaha «śpisu zabaronienych», jaki ministr infarmacyi Pralaskoŭski nazvaŭ «hniusnaj falšyŭkaj». I pieršy zabaronieny kancert u Minsku paśla 2007 hoda.
Alaksandr Kulinkovič piša ŭ svajoj kałoncy na Naviny.by, što kancert mienavita zabaronieny:
«Mienavita hetaje słova. Nie pieraniesieny, nie admienieny — jon ZABARONIENY.
Kiraŭnictva kłuba vyklikali i prapanavali vybirać: albo strata arandatara (Nejra Dziubiel), albo strata kłuba. Vydatny vybar. Na pytańnie „a čamu?“ było skazana nastupnaje: hurt padtrymlivaŭ apazicyju, i ciapier dziaržava nie źbirajecca…»
Paśla ziaŭleńnia ŭ siecivie «śpisu zabaronienych» vykazvalisia šmatlikija mierkavańni, što heta moža być čyjści pijar albo admysłovaja pravakacyja. Zanadta dziŭny hety śpis i jon, maŭlaŭ, nie adpaviadaje anijakaj łohicy.
Pieršyja zabarony prajšli ŭ rehijonach. Kancert «Lapisa Trubiackoha» nie adbyŭsia 13 sakavika ŭ Homieli praz rašeńnie MNS, a ŭ Breście dniami biez tłumačeńniaŭ byŭ zabaronieny kancert Źmitra Vajciuškieviča ŭ Teatry lalek, zapłanavany na 18 sakavika.
Kancert Neuro Dubel musiŭ adbycca ŭ «Reaktary» 24 sakavika.
Hurt Neuro Dubel užo byŭ u śpisie zabaronienych ŭ 2004–2007 hadach.
-
«Najhoršy kancert u maim žyćci»: biełaruska paskardziłasia na vystup «Ivanušak» u Minsku i nabrała 2 miljony prahladaŭ
-
Premija MTV: tryumf Tejłar Śvift i emacyjnaja pramova Ryty Ory ab udzielniku One Direction
-
«Ja nie viarnuś dadomu, Vaŭkałak!». Historyja kachańnia i pieraradžeńnia ŭ novym fentezijnym klipie hurta Irdorath
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA9
Kamientary