Канцэрт, прысвечаны выхаду трыб’юта Neuro Dubel, які павінен быў адбыцца ў мінскім клубе «Рэактар».
Канцэрт, прысвечаны выхаду трыб’юта Neuro Dubel, які павінен быў адбыцца ў мінскім клубе «Рэактар», забаронены.Гэта ўжо трэцяя забарона канцэртаў гуртоў з ананімнага «спісу забароненых», які міністр інфармацыі Праляскоўскі назваў «гнюснай фальшыўкай». І першы забаронены канцэрт у Мінску пасля 2007 года.
Аляксандр Кулінковіч піша ў сваёй калонцы на Naviny.by, што канцэрт менавіта забаронены:
«Менавіта гэтае слова. Не перанесены, не адменены — ён ЗАБАРОНЕНЫ.
Кіраўніцтва клуба выклікалі і прапанавалі выбіраць: альбо страта арандатара (Нэйра Дзюбель), альбо страта клуба. Выдатны выбар. На пытанне „а чаму?“ было сказана наступнае: гурт падтрымліваў апазіцыю, і цяпер дзяржава не збіраецца…»
Пасля зяўленьня ў сеціве «спісу забароненых» выказваліся шматлікія меркаванні, што гэта можа быць чыйсьці піяр альбо адмысловая правакацыя. Занадта дзіўны гэты спіс і ён, маўляў, не адпавядае аніякай логіцы.
Першыя забароны прайшлі ў рэгіёнах. Канцэрт «Ляпіса Трубяцкога» не адбыўся 13 сакавіка ў Гомелі праз рашэнне МНС, а ў Брэсце днямі без тлумачэнняў быў забаронены канцэрт Змітра Вайцюшкевіча ў Тэатры лялек, запланаваны на 18 сакавіка.
Канцэрт Neuro Dubel мусіў адбыцца ў «Рэактары» 24 сакавіка.
Гурт Neuro Dubel ужо быў у спісе забароненых ў 2004–2007 гадах.
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі32
Каментары