U Minsku projduć spabornictvy pa ekstremalnych vidach sportu i sučasnych tancach

1–3 krasavika ŭ Minsku ŭ Ladovym pałacy sportu projduć spabornictvy pa ekstremalnych vidach sportu i sučasnych tancach «Čieł'z Extreme Games Belarus».

Arhanizatary mierapryjemstva — TM «Čieł'z» i HA «Biełaruskaja fiederacyja ekstremalnych vidaŭ sportu» pry padtrymcy kamiteta pa adukacyi Minharvykankama.

Jak paviedamili ŭ arhkamitecie, mierapryjemstva pravodzicca dla pryciahnieńnia moładzi da zaniatkaŭ sportam, a taksama raźvićcia i papularyzacyi ekstremalnych vidaŭ sportu i sučasnych tancaŭ.

U 2010 hodzie ŭ mierapryjemstvie brali ŭdzieł 3,5 tys. čałaviek ź Biełarusi, Rasii, Litvy, Łatvii, Estonii, Ukrainy, Polščy, Małdovy. Sioleta bolš jak 4 tys. udzielnikaŭ buduć pakazvać svajo majsterstva adnačasova na troch śpiecyjalna abstalavanych placoŭkach.

Na praciahu troch dzion adbuducca adkryty Kubak Biełarusi pa sučasnych tancach; čempijanat Biełarusi pa čerlidynhu; spabornictvy pa skiejtbordynhu Destroyer skateboard challenge 2011; adkryty čempijanat pa fryranie Freerun Challenge 2011. A taksama fiestyval hrafici Graffiti evolution.

«Naša kampanija ŭžo try hady padtrymlivaje mierapryjemstva. Heta naš uniosak u vyrašeńnie adnoj z najvažniejšych zadač, jakuju stavić pierad saboj naša kampanija, — dałučeńnie moładzi Biełarusi da sportu i prapahanda zdarovaha ładu žyćcia», — zaznačyŭ dyrektar kampanii-vytvorcy TM «Čieł'z» Siarhiej Miato.

Novaŭviadzieńniem mierapryjemstva budzie mižnarodny čempijanat pa fryranie.

U sudziejskuju kalehiju ŭvojduć pryznanyja majstry pa sučasnych tancach i ekstremalnych vidach sportu z ZŠA, Kanady, Francyi, Japonii, Italii, Narviehii, Słavienii, Anhlii, Polščy i Rasii.

«Naš prajekt tolki try hady tamu pašyryŭsia z prostaha čempijanatu pa sučasnych tancach da farmatu ekstremalnych hulniaŭ. Varta zaznačyć, što ŭžo bačnyja značnyja pośpiechi, jak u arhanizacyi samoha mierapryjemstva, hetak i ŭ prafiesijnym uzroŭni ŭdzielnikaŭ. Dziakujučy padtrymcy kamiteta pa adukacyi Minharvykankama naša mierapryjemstva projdzie ŭ zapłanavanyja daty i na vysokim uzroŭni. Pavieličeńnie kolkaści ŭdzielnikaŭ i jaŭny rost ich prafiesijnaha majsterstva, na moj pohlad, jaŭny pakazčyk taho, što my na pravilnym šlachu da dasiahnieńnia pastaŭlenych metaŭ i zadač», — prakamientavaŭ dyrektar Biełaruskaj fiederacyi ekstremalnych vidaŭ sportu Aleh Jaźvin.

• 0
• 0
• 0
• 0
• 0
• 0
• 0
• 0