Adzin z najpapularniejšych biełaruskich sajtaŭ sajt «Biełaruski partyzan» ad 10 krasavika pierajšoŭ na biełaruskuju movu. Zdaryłasia heta ŭ druhoj pałovie dnia.
Ciapier čytač sam moža vybrać movu, na jakoj jamu čytać — biełaruskaj ci rasiejskaj.
U paviedamleńni «Ad redakcyi» adznačajecca: «Darahija siabry, čytačy našaha sajta, partyzany i tyja, chto nam spačuvaje, my rady paviedamić vam pryjemnuju navinu. «Biełaruski partyzan» zahavaryŭ na rodnaj movie biełarusaŭ.
5 hadoŭ tamu źjaviŭsia naš sajt. Usie hetyja hady my vychodzili vyklučna na ruskaj movie. Mnohija ličyli heta našaj pryncypovaj pazicyjaj abo śviedčańniem taho, što my «pradalisia maskalam». Jany pamylalisia — prosta ŭ nas nie było sił rabić paralelna druhuju viersiju sajta na rodnaj dla nas biełaruskaj movie. Ale ciapier my vyrašyli źmianić situacyju. «Biełaruski partyzan» dastupny ź siońniašniaha dnia i na biełaruskaj movie.
Biełaruskaja mova zaraz i jość naša pryncypovaja pazicyja.Vidavočna, jak vyrasła za apošnija miesiacy samaśviadomaść mnohich biełarusaŭ, asabliva maładych. Biełaruskaja mova pieratvaryłasia dla mnohich u kod, jaki vyłučaje ich u šeram natoŭpie zackavanych i padušanych biełarusaŭ. I my nie mahli prajści mima hetych pieramienaŭ u hramadskim nastroi. My prykłali šmat namahańniaŭ, kab padtrymać tych, kamu nieabyjakava budučynia Biełarusi i chto pačaŭ pieramieny ź siabie, ź viartańnia da vytokaŭ».
U artykule zaznačajecca, što z uliku na moŭnuju situacyju ŭ biełaruskim hramadstvie, rasiejskaja mova zastaniecca dla sajta asnoŭnaj, ale buduć prykładzieny ŭsie vysiłki, kab moŭnyja barjery byli ściortyja.
Tak, raździeły «palityka» i «hramadstva» całkam buduć supadać na abiedźviuch movach, a ŭ raździełach «ekanomika» i «sport» na biełaruskaj movie buduć iści asnoŭnyja artykuły. Aŭtarskija kamientary sajt budzie publikavać ŭ aŭtarskaj redakcyi, jak i błohi».
«Łukašenka pieršym adčuje katastrofu Pucina» — Śviatłana Aleksijevič u vialikaj hutarcy TOK14
Kamientary