Usie transpartnyja srodki katehoryi AM (mapiedy) ź siońniašniaha dnia treba budzie stavić na ŭlik u Dziaržaŭtainśpiekcyi.Pra heta karespandentu BIEŁTA paviedamili va UDAI MUS Biełarusi.
Heta praduhledžana pastanovaj Saŭmina № 443 ad 4 krasavika 2011. Pryčym dakumient dazvalaje da 1 žniŭnia zarehistravać pavodle zajaŭnaha pryncypu i tyja mapiedy, na jakija ŭ haspadaroŭ adsutničajuć dakumienty, u tym liku vydadzienyja
Adnak heta, viadoma, nie daje prava stavić na ŭlik samarobki. Kožny transpartny srodak budzie ahledžany. Supracoŭniki pravierać, ci jość na im numar zavodu vytvorcy i mantažnaja (zavodskaja) tablička, h.zn. identyfikujuć transpartny srodak. Žycharam sielskich rajonaŭ dazvalajecca padać mapied dla ahladu ŭ DAI pa miescy žycharstva, a zatym z dakumientami źviarnucca ŭ MREA dla pastanoŭki na ŭlik.
U darožnaj milicyi adznačyli, što transpartny srodak, jaki va ŭžytku nazyvajecca skuteram, u zaležnaści ad abjomu ruchavika moža być jak mapiedam (AM), tak i matacykłam (A). Da katehoryi AM adnosiacca transpartnyja srodki z abjomam ruchavika da 50 kub. sm. Dla kiravańnia transpartam katehoryi, A (matacykł) abo padkatehoryi A1 (matacykł z abjomam ruchavika da 125 kub. sm) nieabchodna mieć adpaviednaje paśviedčańnie kiroŭcy. Dla hetaha treba zdać u DAI tearetyčny ekzamien i kiravańnie. Pravy na katehoryju, A vydajucca z 18 hadoŭ, na A1 — z 16 hadoŭ, hetak ža jak i na AM. Prava na kiravańnie mapiedam aŭtamatyčna prysvojvajecca čałavieku, jaki maje paśviedčańnie kiroŭcy luboj inšaj katehoryi (u tym liku i paśviedčańnie traktarysta).
Tyja, chto ŭvohule nie maje pravoŭ, mohuć samastojna padrychtavacca i zdać tearetyčny ekzamien u DAI, a zatym atrymać paśviedčańnie na kiravańnie mapiedam (katehoryja AM).
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki25
Kamientary