Усе транспартныя сродкі катэгорыі АМ (мапеды) з сённяшняга дня трэба будзе ставіць на ўлік у Дзяржаўтаінспекцыі.Пра гэта карэспандэнту БЕЛТА паведамілі ва УДАІ МУС Беларусі.
Гэта прадугледжана пастановай Саўміна № 443 ад 4 красавіка 2011. Прычым дакумент дазваляе да 1 жніўня зарэгістраваць паводле заяўнага прынцыпу і тыя мапеды, на якія ў гаспадароў адсутнічаюць дакументы, у тым ліку выдадзеныя
Аднак гэта, вядома, не дае права ставіць на ўлік самаробкі. Кожны транспартны сродак будзе агледжаны. Супрацоўнікі правераць, ці ёсць на ім нумар заводу вытворцы і мантажная (заводская) таблічка, г.зн. ідэнтыфікуюць транспартны сродак. Жыхарам сельскіх раёнаў дазваляецца падаць мапед для агляду ў ДАІ па месцы жыхарства, а затым з дакументамі звярнуцца ў МРЭА для пастаноўкі на ўлік.
У дарожнай міліцыі адзначылі, што транспартны сродак, які ва ўжытку называецца скутэрам, у залежнасці ад аб’ёму рухавіка можа быць як мапедам (АМ), так і матацыклам (А). Да катэгорыі АМ адносяцца транспартныя сродкі з аб’ёмам рухавіка да 50 куб. см. Для кіравання транспартам катэгорыі, А (матацыкл) або падкатэгорыі А1 (матацыкл з аб’ёмам рухавіка да 125 куб. см) неабходна мець адпаведнае пасведчанне кіроўцы. Для гэтага трэба здаць у ДАІ тэарэтычны экзамен і кіраванне. Правы на катэгорыю, А выдаюцца з 18 гадоў, на А1 — з 16 гадоў, гэтак жа як і на АМ. Права на кіраванне мапедам аўтаматычна прысвойваецца чалавеку, які мае пасведчанне кіроўцы любой іншай катэгорыі (у тым ліку і пасведчанне трактарыста).
Тыя, хто ўвогуле не мае правоў, могуць самастойна падрыхтавацца і здаць тэарэтычны экзамен у ДАІ, а затым атрымаць пасведчанне на кіраванне мапедам (катэгорыя АМ).
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары