Ich sudziać za Płošču

10 maja ŭ sudzie Maskoŭskaha rajona Minska praciahvajecca praces nad udzielnikami Płoščy. Na łavie padsudnych: Dźmitryj Daronin, Siarhiej Kazakoŭ, Uładzimir Łoban, Vital Macukievič, Jaŭhien Sakret, Aleh Fiedarkievič. Jany abvinavačvajucca pa častcy 2 art. 293 «Masavyja biesparadki». Hety praces zastaŭsia ŭ cieniu dvuch inšych sudoŭ, dzie fihurujuć byłyja kandydaty ŭ prezidenty. Miž tym tut na łavie padsudnych siadziać šeść čałaviek, jakija 19 śniežnia navažylisia kinuć vyklik dyktatury. Siońnia na praces šaści trapiŭ fotakarespandent «Našaj Nivy». A z zały suda my viadziom onłajn-repartaž.

Abvieščany pierapynak da 10.00 11 maja.

17.03

Usie śviedki dapytanyja. Ciapier sudździa budzie hladzieć dysk ź videa z Płoščy.

16.47-16.52

Michaił Makaś, vykładčyk fizičnaj kultury Akademii MUS. 19.12 pracavaŭ milicyjantam-kiroŭcam u PMSP. Da 22.00 znachodziŭsia ŭ toj viečar u reziervie za Pałacam Respubliki. Paśla pastupiła kamanda pierajechać da Doma ŭrada. Siadzieli ŭ transparcie za budynkam. Paśla atrymali zadańnie adciskać ludziej ad hanka Doma ŭrada. Pa jaho słovach, mitynhoŭcy abražali milicyjantaŭ, sprabavali vyrvać u ich ščyty, praravać ačapleńnie.

16.45

Sam zatrymlivaŭ šmat ludziej na Płoščy. I nie moža ŭdakładnić kolki.

Na papiarednim śledstvie Novik pakazaŭ, što zatrymlivaŭ Sakreta Jaŭhiena. Ciapier siarod padsudnych nikoha nie paznaŭ.

16.35

Śviedka Alaksandr Novik. Milicyjanier PMSP. Znachodziŭsia 19.12 2 transparcie za Čyrvonym kaściołam. Paśla pastupiła kamanda iści da Doma ŭrada. Spravabali ludziej adcisnuć ad budynka. Kaža, što ludzi sprabavali prarvać ich ačapleńnie. Paśla atrymali kamandu zatrymlivać samych aktyŭnych udzielnikaŭ.

16.33

Kaža, što ŭnutry Doma ŭrada minimum adzin čałaviek zapisvaŭ dziejańni na videakamieru.

16.30

Kali mitynhoŭcaŭ razahnali, pačali z hanka Doma ŭrada ŭnutr ŭnosić mietaličnyja pradmiety. Kaža pra pruty. «Mahčyma, navat siakiery. Raźbić armaturaj stoł niemahčyma».

16.23

Kaža, što ludzi vyrvali ŭ ich ščyt, jaki paśla viarnuli: zakinuli.

Nie čuŭ zaklikaŭ milicyjantaŭ razyścisia.

16.16-16.22

Śviedka valeryj Ščur, 1980 h.n. Milicyjant. Achoŭvaŭ hramadski paradak 19.12. Znachodziŭsia ŭ aktavaj zale ŭ Domie ŭrada ŭ poŭnaj ekipiroŭcy. Ź im było kala 25 čałaviek. Jak pačłai bić škło, im dali kamandu zaniać zahadzia raźmierkavanyja miescy. Trymali stały na ŭvachodzie. Stały jon nie staviŭ.

Čuŭ huk raźbitaha škła. Kaža pra armaturu, jakuju bačyŭ, i jakoj bili škło. Havoryć pra niešta vostraje kštałtu rydloŭki.

Upeŭnieny, što ludzi chacieli praniknuć unutr.

16.00-16.12

Śviedka Alaksandr Nikifarenka. Achoŭnik. Znachodziŭsia 19.12 u Domie ŭrada. Adznačyŭ, što dźviery budynka zabarykadziravali, kali rušyli ludzi da Doma ŭrada. Kaža, što ŭnutry bačyŭ 30-40 achoŭnikaŭ, ale nie viedaje, kolki ŭsich ich było tam.

Na hanku Doma ŭrada paśla razhonu mitynhoŭcaŭ bačyŭ rydloŭku, kala dvacaćci mietaličnych prutoŭ, bałončyk sa ślozatočnym hazam.

Kaža, što čuŭ zakliki milicyi razyścisia, bo mitynh niesankcyjanavany.

Čuŭ (a nie bačyŭ), jak bili nahami ŭ dźviery budynka.

15.45

Śviedka Dzianis Zyl. Siabra Dźmitryja Daronina.

15.39

Kali dapili piva, pačuli hołas Vitala Rymašeŭskaha. Vyrašyli padyści. Kala Doma ŭrada ŭbačyli śpiecnaz. Kali pačaŭsia ruch, zhubilisia. Sustrelisia Zył, Daronin i Pracharčuk pa-za płoščaj u toj ža viečar. Daronin raskazvaŭ, što niekalki razoŭ udaryŭ na faniernych zaharodžach.

15.34

19.12 Pracharčuk z Daroninym sustrelisia doma ŭ Hančara. Vypili na čatyroch čałaviek butelku harełki. Pajechali na płošču Kakstryčnickaja «raźviejacca». Nie pamiataje, chto prapanavaŭ tudy jechać. Ubačyli šmat ludziej, jakija ruchalisia ŭ bok Doma ŭrada. I jany rušyli za natoŭpam. Pracharčuk prapanavaŭ papić piva. Daronin admoviŭsia i zastaŭsia na płoščy Niezaležnaści. Pracharčuk z Hančarom i Zylom schadzili pa piva, vypili jaho kala hatelu «Minsk».

15.32

Śviedka Andrej Pracharčuk. Siabra Dźmitryja Daronina.

15.23

Nastupny śviedka — Alaksandr Hančar. Pracuje na zavodzie MAZ. Siabruje ź Dźmitryjem Daroninym.

15.17

Dopyt śviedki Alaksandra Burmistronak (?). Jon pracuje achoŭnikam u «Biełarusbanku». 19.12 jon pracavaŭ taksoŭščykam, padvoziŭ Husielcava, Šarstova, Macukieviča, Harbačova. Kaža, što maładyja ludzi razmaŭlali nakont vybaraŭ. Čuŭ niezadavolenaść u razmovach prezidentam, ale nijakich płanaŭ dziejańniaŭ na płoščy nie abmiarkoŭvali.

15.00

Dopyt śviedki Alaksieja Šarstova, siabra Vitala Macukieviča. Šarstoŭ kaža, što na pł. Niezaležnaści adrazu stajali kala kaścioła. Paśla skazali iści da Doma ŭrada. Tam Husielcaŭ vykryknuŭ: «Biełarusy, siuda!» Sam Šarstoŭ kryknuŭ: «Eto naša strana, i my budiem zdieś praviť!» Šarstoŭ śviedčyć, što na hanku stajaŭ niejki čałaviek, jaki nahoj raźbiŭ škło.

14.56

Siońnia kaža, što nie bačyŭ, kab jaho siabry pili harełku na Kastryčnickaj płoščy.

14.50

Sudździa začytvaje jašče adny śviedčańni Husielcava. Na płošču čaćviora maładych ludziej (Macukievič, Harbačoŭ, Šarstoŭ, Husielcaŭ) pajechali z pryčyny, što nie było čym zaniacca.

14.40

Na papiarednim śledstvie Husielcaŭ pakazaŭ, što jechać na płošču Kastryčnickaja prapanavaŭ siabra z kampanii Šarstoŭ. Vyklikali taksoŭku i ŭziali z saboj dźvie butelki harełki.

Harełku pili na Kastryčnickaj. Paśla ź mitynhoŭcami rušyli na płošču Niezaležnaści.

Damovilisia sustrecca na stancyi mietro «Puškinskaja». Paśla pašli ŭ bar hatelu «Arbita», dzie pili piva.

Husielcaŭ kaža, što ŭ pratakole dopytu na papiarednim śledstvie majucca niedakładnaści. Chacia sudździa kaža, što Husielcavam usio padpisana, i dopyt adbyvaŭsia ŭ prysutnaści advakata.

14.31

Nie pomnić, chto z kampanii prapanavaŭ iści na Kastryčnickuju płošču 19 śniežnia.

Jość supiarečnaści z raniejšymi śviedčańniami. Začytvajucca.

14.30

U rukach mitynhoŭcaŭ Husielcaŭ bačyŭ tolki ściahi. Nie čuŭ, kab supracoŭniki milicyi prasili razyścisia ludziej z płoščy Niezaležnaści.

14.06

Sudovy praces adnaviŭsia paśla pierapynku. Pačynajecca dopyt śviedki Husielcava Dzianisa, siabra Vitala Macukieviča. Kaža, što 19.12.2010 z Macukievičam pili śpirtnoje — harełku. Macukievič ža ŭ pieršaj pałovie dnia zajaviŭ, što byŭ 19 śniežnia ćviarozy. Paśla taho, jak vypili, pašli na płošču Kastryčnickaja.

Husielcaŭ pramaŭlaje cicha, niaŭpeŭniena. Prakuroru Mielniku pastajanna davodzicca dahavorvać za maładoha čałavieka.

10.12-13.00

Paśla znajomstva z materyjałami spravy pačaŭsia dopyt śviedkaŭ.

Pad kanvojem pryvieźli inšaha abvinavačanaha, jaki siońnia byŭ śviedkam, Alaksandra Kviatkieviča.

Jon pryznaŭ, što biŭ škło Doma ŭrada. Na heta jaho spravakavali zakliki: «Biełarusy, siuda!» Jon nie viedaje, chto kryčaŭ. Macukievič ža pryznajecca, što adnym z tych, chto kryčaŭ, byŭ jon. Kviatkievič usio roŭna nie moža ŭspomnić, ci bačyŭ jon Macukieviča na Płoščy.

Śviedčać pa čarzie Chryścina Šacikava i Maryja Vojnava, abiedźvie z Mahilova. Byli ŭdzielnicami padziej na Płoščy Jany paznali Vitala Macukieviča.

Šacikava skazała, što razam z Vojnavaj pieršymi pryjšli na płošču Niezaležnaści 19 śniežnia. Śćviardžajuć, što tam užo stajali dva čałavieki: z kamieraj i fotaaparatam. Paśla źjaviŭsia čałaviek, jaki čymści mietaličnym nanios niekalki ŭdaraŭ pa škle, ale jano nie raźbiłasia - patreskałasia. Paśla hety čałaviek syšoŭ u bok Čyrvonaha kaścioła.

Šacikava taksama śćviardžaje, što bačyła, jak Macukievič nanios udar nahoj pa dźviarach. Pra toje ž śviedčyć i Vojnava. Macukievič admaŭlaje, što nanosiŭ udary. U jaho zapytałasia sudździa, navošta hetym žančynam jaho ahavorvać.

Macukievič skazaŭ, što jaho nadrazu pryniali za «ahienta KDB i pravakatara».

I tamu, maŭlaŭ, žančyny kazali i ŭ papiarednich śviedčańniach, što jon biŭ pa dźviarach. A ciapier, kali jon znachodzicca na łavie padsudnych, jany praciahvajuć havaryć niapraŭdu.

10.12

Pačaŭsia treci dzień suda nad udzielnikami Płoščy. Sudździa pačała razhlad 3-5 tamoŭ spravy.

• 0
• 0
• 0
• 0
• 0
• 0
• 0
• 0