Levyja partyi stvaryli svoj sajuz

Ustanoŭčaja kanferencyja Sajuzu levych partyj prajša 17 śniežnia ŭ Čarnihavie. Hanarovym staršyniom byŭ abrany Alaksandar Kazulin.

17 śniežnia va ŭkrainskim horadzie Čarnihavie prajšła ŭstanoŭčaja kanferencyja Sajuzu levych partyj Biełarusi. Hanarovym staršyniom hetaj struktury abrany palitviazień Alaksandar Kazulin. Sajuz levych partyj zaklikaŭ ułady nieadkładna vyzvalić Kazulina, a taksama ŭsich inšych palitviaźniaŭ.

U pryniataj kanferencyjaj adoźvie Alaksandar Kazulin nazvany «ściaham demakratyčnaha supracivu i baraćby za volu».

Arhkamitet ustanoŭčaj kanferencyi Sajuzu levych partyj sprabavaŭ znajści pamiaškańnie ŭ Biełarusi, adnak biezvynikova. U Čarnihavie ž biełaruskija apazycyjanery atrymali ŭ svajo rasparadžeńnie haradzki Pałac kultury.

U kanferencyi pryniali ŭdzieł 484 delehaty ad PKB, BSDP «Hramada» i Partyi žančyn «Nadzieja». Kala 100 delehataŭ nie zmahli prybyć u Čarnihaŭ, bo ŭłady na miescach ŭsialak pieraškadžali pajezdcy apazycyjnych aktyvistaŭ, spyniali aŭtobusy, zatrymlivali mašyny.

Aktyvist likvidavanaj uładami Partyi pracy Alaksandar Karaloŭ z Mahilevu paviedamiŭ, što častka jahonych kaleh na kanferencyju nie trapiła z-za cisku ŭładaŭ, milicyja sprabavała spynić i jaho samoha.

(Karaleŭ: ) «My jechali da Miensku na maršrutkach, z čatyroch maršrutkach dźvie zatrymali ŭ Białyničach i nakiravali nazad, nibyta, heta byli skradzienyja mašyny».

Adzin ź inicyjataraŭ sajuzu, lider PKB Siarhiej Kalakin hetak akreśliŭ važniejšuju metu novaha abjadnańnia:

(Kalakin: ) «My pavinny razburyć manapoliju ŭłady na levy elektaralny sektar našaha hramadztva, adabrać u ich prava na levuju frazu pry praviadzieńni absalutna pravaj palityki suprać ludziej pracy, suprać hramadztva».

Spadar Kalakin padkreśliŭ, što pry hetym Sajuz levych partyj nikolki nie piarečyć adzinstvu ŭsich abjadnanych demakratyčnych sił.

Vykanaŭca abaviazkaŭ staršyni BSDP «Hramada» Anatol Laŭkovič zajaviŭ pra toje, što novy Sajuz budzie budavacca na pryncypach eŭrapiejskaj sacyjał-demakratyi i demakratyčnaha sacyjalizmu.

(Laŭkovič: ) «Asobna chaču adznačyć, što my, sacyjał-demakraty, źjaŭlajemsia prychilnikami nacyjanalna-kulturnaha raźvićcia. My jašče z vami pavinny stacca nacyjaj. My jašče pavinny stvaryć nacyjanalnuju eŭrapiejskuju dziaržavu».

Na kanferencyi byli ŭchvalenyja ŭstanoŭčaja damova Sajuzu levych partyj, statut Sajuzu i prahramnaja zajava. Hetyja dakumenty buduć pieradadzienyja dla rehistracyi ŭ Miniust.

U prahramnaj zajavie novy sajuz kanstatuje, što «ŭ Biełarusi zamacavaŭsia aŭtarytarny palityčny režym, jaki abapirajecca na biezzakońnie vykanaŭčaj ŭłady, jaki vyjšaŭ z-pad kantrolu narodu i nie vykonvaje Kanstytucyju, pravodzić palityku mižnarodnaj izalacyi krainy».

Sustaršyniami Sajuzu levych partyjaŭ abranyja kiraŭniki troch partyjaŭ. Hanarovym staršynioj – palitviazień Alaksandar Kazulin. Apošni praz svajho advakata Ihara Rynkieviča vykazaŭ padtrymku pryncypam stvareńnia novaha Sajuzu i zaklikaŭ levyja partyi vystupić adzinaj frakcyjaj na Kanhresie demakratyčnych sił, jaki maje adbycca ŭ sakaviku naleta.

❏

ŭviečary na biełaruska-ŭkrainskaj miažy byli zatrymanyja na dźvie hadziny kiraŭnik Homielskaj abłasnoj arhanizacyi Partyi biełaruskaja sacyjał-demakratyčnaja Hramada Siarhiej Staryčenka i jahony paplečnik z Rečycy Aleh Šabietnik. Ich źniali homielskija mytniki ź ciahnika Čarnihaŭ-Homiel na biełaruskaj stancyi Cierucha. Sacyjał-demakraty viartalisia ciahnikom u Homiel z Čarnihavu, dzie brali ŭdzieł va ŭstanoŭčaj kanferencyi Sajuzu levych partyj Biełarusi. Vysadku mytniki patłumačyli tym, što aktyvisty pieravoziać zabaronienuju litaraturu.

Jak paviedamiŭ karespandentu BiełaPAN Siarhiej Staryčenka, u jaho mytniki pierapisali i skanfiskavali materyjały ŭstanoŭčaj kanferencyi Sajuzu levych partyj.

Inšyja homielskija ŭdzielniki kanferencyi ŭ Čarnihavie raspaviadajuć, što na stancyi Cierucha ŭ vahonach vialisia videazdymki pasažyraŭ nieviadomaj asobaj ŭ vopratcy pamiežnika. Apošni tłumačyŭ ździŭlenym pasažyram, što zdymki robiacca dziela vyvučeńnia napaŭnialnaści vahonaŭ pasažyrami.

• 0
• 0
• 0
• 0
• 0
• 0
• 0
• 0