Rumynija siońnia aficyjna abvieścić kamunizm złačynnaj systemaj
22-miljonnaja kraina, u jakoj režym byŭ adnym z najbolš žorstkich u savieckim bloku, robić adnaznačnuju acenku systemy, zrynutaj u śniežni 1989 h. I heta ŭsio adbyvajecca amal za dva tydni da ŭvachodu krainy ŭ Eŭraźviaz.
U hihancki Pałac Parlamentu ŭ Buchareście siońnia źjeducca znakamityja hości z usiaho śvietu. Prezydent Rumynii Trajan Basesku zaprasiŭ ich uziać udzieł va ŭračystaj sesii pałataŭ parlamentu. Basesku aficyjna asudzić na joj kamunizm i pryznaje systemu złačynnaj.
Symbaličnaha aktu, adnak, nie było b, kali b u krasaviku nie była sklikanaja prezydenckaja kamisija pa spravach vyvučeńnia kamunistyčnaj dyktatury. «Čakaju ad kamisii dakładu, jaki mnie dazvolić aficyjna asudzić kamunizm», – kazaŭ tady prezydent.
Ciaham dzieviaci miesiacaŭ 19 ekspertaŭ pad kiraŭnictvam prafesara Ŭładzimiera Tysmanianu rychtavali dakład pra vyniki 50 hod kamunistyčnaha režymu ŭ Rumynii.
U pieršuju takuju kamisiju ŭ postsavieckaj Eŭropie trapili pavažanyja navukoŭcy i asoby hramadzkaha žyćcia, miž inšym viadomy desydent i staršynia Tavarystva byłych palityčnych viaźniaŭ Kanstancin Tyku Dumitresku, stvaralnik Memaryjału achviaraŭ kamunizmu Romułas Rusan, a taksama pravasłaŭny mitrapalit Banatu Nikałae Karnieanu – adziny siarod rumynskich carkoŭnych hijerarchaŭ, chto pryznaŭsia ŭ supracoŭnictvie z kamunistyčnaj biaśpiekaj.
Bolšaść daśledčykaŭ, adnak, skłali maładyja navukoŭcy. Jany ŭpieršyniu mieli mažlivaść karystacca archivami tajnaj palicyi «Sekurytate», jakija da hetaha času zastavalisia sakretnymi.
Dakład kamisii, što naličvaje 650 staronak, budzie prezentavany siońnia kiraŭnikom dziaržavy abiedźvium pałatam parlamentu. U im pieraličvajucca asnoŭnyja złačynstvy režymu, a taksama zaznačajecca adkaznaść asobnych ludziej i ich rola ŭ padziejach tych časoŭ.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary