«Dyjaloh uvieś čas balansavaŭ na miažy sprečki i časam ledźvie nie pierarastaŭ u svarku. Ale my ŭsio ž pryjšli da adzinaj vysnovy – na jakim hruncie, temach treba zaakcentavać uvahu padčas
Hetymi dniami ŭ Miensku prachodzić navukova-hramadzkaja dyskusija «Chryścijanskija kaštoŭnaści Biełarusi: zachavanyja tradycyi, ukaranionyja adukacyjaj, adkinutyja biaźvierjem».
Hramadzianskaja supolnaść vyrašyła dać svoj adkaz namieśniku kiraŭnika Administracyi Łukašenki, sp. Anatolu Rubinavu, jaki vystupiŭ z prahramnym artykułam na staronkach «SB». U im, u pryvatnaści, idealahičny pasłuhač režymu zajaviŭ, što ŭzmacnieńnie ŭpłyvu relihii aznačaje adnačasova asłableńnie ŭpłyvu dziaržaŭnaj ideałohii. Biełaruskaja nacyja siońnia ciažka paniaviečanaja duchoŭna, strach, biaźvierje i apatyja apanovaŭć balšynioju. Relihija, navat u dalokaj prpavincyi, zajmaje zusim ścipłaje miesca ŭ žyćci. Sproby iśpiravać «novy chrost» z boku ŭsich kanfesijaŭ, sutykajucca z čynavienskim ryharyzmam i sacyjalnymi prablemami ludziej. Dzie ž vyjście z zahannaha koła, u jakim ludzi bajacca adkryta vyzavać vieru, a bajacca tamu, što nia vierać? Zdavałasia b, dziaržava tut pavinna sama mieniej nie zaminać... Ale ciapierašni režym nastojliva j brutalna ŭmiešvajecca ŭ spravy relihijnych hramadaŭ, siejačy novyja sumnievy, vahańni j fobii.
Dla ŭdziełu ŭ kruhłym stale «Chryścijanskija kaštoŭnaści» byli zaprošanyja navukoŭcy, publicysty, pradstaŭniki roznych chryścijanskich denaminacyjaŭ krainy. U pieršy dzień prahučali vystupy doktara filazofii Ŭładzimiera Konana, što byŭ pryśviečany chryścijanskim kaštoŭnaściam u klasyčnaj biełaruskaj litartury i doktara bahasłoŭja Iryny Dubianieckaj, pra Strach i Vieru, jak fundametnalnyja padstavy sacyjalna-palityčnaha žyćcia Biełarusi. Mierapryjemstva raspačałosia z supolnaje malitvy. Dyskusiju raspačaŭ Vincuk Viačorka, staršynia Hramadzkaha abjadnańnia BNF «Adradžeńnie», jaki zrabiŭ spavieščańnie pra chryścijanski duchoŭny padmurak našaha nacyjanalna-vyzvalenčaha ruchu, a taksmama pra ŭdieł u im BNF. Heta nievypadkova. Bo sam «kruhły stoł» adbyvajecca ŭ siadzibie BNF. Zvažajučy na hetuju akaličnaść, mnohija z zaprošanych vystupoŭcaŭ zbajalisia j admovilisia ad udziełu ŭ hetaj imprezie. Pra heta paviedamiła arhanizatarka pasiedžańnia, sp. Valancina Tryhubovič, jakaja j maderavała pracu. Nie było pradstaŭnikoŭ ani pravasłaŭnaha, ani katalickaha kleru. U vyniku dyskusija, u jakoj brali ŭdzieł prafesar Jury Chadyka, znanyja navukoŭcy j publicysty Anatol Sidarevič i Piatro Sadoŭski, nabyła charaktar śvieckaje hutarki na temy etyki.
Siońnia kruhły stoł «Chryścijanskija kaštoŭnaści Biełarusi...» praciahnie svaju rabotu ad 14.00 hadziny, znoŭ raspačaŭšy jaje z supolnaje malitvy.
Na druhi dzień kanferencyi «Chryścijanskija kaštoŭnaści Biełarusi...» udzielniki zasłuchali vystupy Juryja Chadyki «Relihija i vyjaŭlenčaje mastactva: uzvyšeńnie čałaviečaj dušy», Natalli Bazylevič «Relihijnaja identyčnaść u sučasnaj Biełarusi: prablema kaštoŭnaściaŭ» dy Alaksieja Šeina «Viera i idealohija».
Kruhły stoł skončyŭsia biez padpisańnia jakich‑niebudź dakumentaŭ, ci zvarotaŭ. Jaho ŭdzielniki syjšlisia na ahulnaj idei praciahvać i dalej tradycyju takich dyskusijaŭ. A.Šein ličyć, što tut hałoŭnaje razumieńnie važnaści samoj temy i praciah dyjalohu pamiž usimi zacikaŭlenymi.
Arhanizatarka kanferencyi Valancina Tryhubovič kaža, što kruhły stoł daŭsia ciažkavata: «Dyjaloh uvieś čas balansavaŭ na miažy sprečki i časam ledźvie nie pierarastaŭ u svarku. Ale my ŭsio ž pryjšli da adzinaj vysnovy – na jakim hruncie, temach treba zaakcentavać uvahu padčas dalejšych dyskusijaŭ». Sp.Tryhubovič upeŭnienaja, što praciahvać takija sustrečy nieabchodna. Takija mierapryjemstvy łučać nia tolki viernikaŭ roznych kanfesijaŭ, ale j dałučajuć da dyjalohu hramadzka‑palityčnych dziejačoŭ, dajučy mahčymaść usim razam pracavać na karyść Biełarusi, zaznačyła Valancina Tryhubovič.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary