Niaklajeŭ i Rymašeŭski zastajucca na svabodzie

20 maja sudździa Frunzienskaha suda Minska Žanna Žukoŭskaja (№ 153 u śpisie nieŭjazdnych u ES) abviaściła prysudy eks-kandydatam u prezidenty Uładzimiru Niaklajevu i Vitalu Rymašeŭskamu,

Takim čynam

Uładzimiru Niaklajevu dali 2 hady pazbaŭleńnia voli z adterminoŭkaj na 2 hady,

Siarhieju Vaźniaku, Alaksandru Fiadutu, Vitalu Rymašeŭskamu, Andreju Dźmitryjevu — 2 hady ŭmoŭna, Naście Pałažancy — 1 hod umoŭna.

S.Vaźniak apraŭdany pavodle artykuła (401) ab iłžeśviedčańni.

Nahadajem, što padčas sudovych sprečak, jakija prajšli jašče 18 maja, prakuror Andrej Kažeŭnikaŭ zaprasiŭ dla abvinavačanych nastupnyja pakarańni — Niaklajevu try hady pazbaŭleńnia voli z adterminoŭkaj u dva hady, Dźmitryjevu — try hady ŭmoŭna, Rymašeŭskamu, Vaźniaku i Fiadutu — pa dva hady pazbaŭleńnia voli ŭmoŭna, Pałažancy — 1,6 hodu ŭmoŭna.

Praces «Niaklajeva — Rymašeŭskaha» pačaŭsia 5 maja i praciahnuŭsia bolš za dva tydni. Usim padsudnym pahražała da troch hadoŭ pazbaŭleńnia voli (art. 342, arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich). Svajoj viny nie pryznali Uładzimir Niaklajeŭ i Nasta Pałažanka. Inšyja padsudnyja častkova pahadzilisia z pradjaŭlenymi im abvinavačańniami.

***

Usiaho pa spravie Płoščy asudžanyja, pa stanie na 20 maja, 35 čałaviek.

14 maja ŭ sudzie Partyzanskaha rajona Minska byŭ abvieščany prysud eks-kandydatu ŭ prezidenty Andreju Sańnikavu i čatyrom šarahovym udzielnikam akcyi. Sudździa Natalla Čaćviartkova zasudziła za ŭdzieł i kiravańnie «masavymi biesparadkami» eks-kandydata ŭ prezidenty Andreja Sańnikava na 5 hadoŭ kałonii ŭzmocnienaha režymu, Aleh Hniedčyk za ŭdzieł u «masavych biesparadkach» asudžany na 3,5 hoda, Ilja Vasilevič, Fiodar Mirzajanaŭ, Uładzimir Jaromienak — na try hady kałonii ŭzmocnienaha režymu. Usie jany abvinavačvalisia pavodle artykuła «masavyja biesparadki» (maksimalny termin — da 15 hadoŭ).

Eks-kandydat u prezidenty Andrej Sańnikaŭ atrymaŭ 5 hadoŭ kałonii ŭzmocnienaha režymu, Aleh Hniedčyk — na 3,5 hoda, Ilja Vasilevič, Fiodar Mirzajanaŭ, Uładzimir Jaromienak— na try hady kałonii ŭzmocnienaha režymu.

Pieršym pa spravie za Płošču byŭ asudžany Vasil Parfiankoŭ, jaki atrymaŭ čatyry hady pazbaŭleńnia voli ŭ kałonii strohaha režymu; Alaksandr Atroščankaŭ — da čatyroch hadoŭ u kałonii ŭzmocnienaha režymu; Mikita Lichavid — da troch z pałovaj hadoŭ pazbaŭleńnia voli, Dźmitryj Novik i Alaksandr Małčanaŭ — da troch z pałovaj i troch hadoŭ u kałonii ŭzmocnienaha režymu adpaviedna; hramadzianie RF Arciom Breus i Ivan Haponaŭ — da štrafu ŭ 300 bazavych vieličyniaŭ (10,5 młn. rubloŭ) kožny; Dźmitryj Miadźviedź — da troch hadoŭ abmiežavańnia voli biez nakiravańnia ŭ papraŭčuju ŭstanovu. Aleś Kirkievič asudžany na 4 hady źniavoleńnia, Pavieł Vinahradaŭ — na 4 hady, Andrej Pratasienia — 3 hady, Źmicier Drozd — na 3 hady, Uładzimir Chamičenka — 3 hady.

Uładzimir Łoban asudžany da 3 hod pazbaŭleńnia voli, Andrej Fiedarkievič — da 3,5, Jaŭhien Sakret — da 3, Siarhiej Kazakoŭ — da 3, Dźmitryj Daronin — da 3,5 hadoŭ u kałonii ahulnaha režymu, Vital Macukievič — da 3 hadoŭ kałonii stroha režymu.

Za padrychtoŭku dziejańniaŭ, što parušajuć hramadski paradak (art. 342), na 2 hady kałonii ahulnaha režymu byŭ asudžany kaardynatar «Jeŭrapiejskaj Biełarusi» Źmicier Bandarenka.

Pavieł Sieviaryniec byŭ asudžany na try hady abmiežavańnia voli z nakiravańniem u miesca adbyćcia pakarańnia (h.zn. chimii), žonka Andreja Sańnikava, žurnalistka Iryna Chalip na dva hady abmiežavańnia voli z adterminoŭkaj na dva hady, taki ž termin atrymaŭ i kiraŭnik štaba Mikałaja Statkieviča Siarhiej Marcaleŭ.

Aproč taho, za złosnaje chulihanstva byli taksama asudžanyja Źmicier Daškievič i Eduard Łobaŭ — na dva i čatyry hady pazbaŭleńnia voli adpaviedna. Ich zatrymali 18 śniežnia, za dzień da prezidenckich vybaraŭ.

***

Abviaščeńnie prysudu kandydatam u prezidenty Mikałaju Statkieviču i Dźmitryju Usu (prakuror zapatrabavaŭ 8 i 7 hadoŭ kałonii adpaviedna), a taksama piaci šarahovym udzielnikam akcyi pieraniesiena z pryčyny chvaroby sudździ.

• 0
• 0
• 0
• 0
• 0
• 0
• 0
• 0