Uzrovień ałkaholu ŭ kryvi kiroŭcy źnižany da 0,3 pramile. Zaraz paśla piva i vina za rul nie siadać zusim

Urad Biełarusi pryniaŭ rašeńnie ab źnižeńni dapuščalnaha ŭzroŭniu ŭtrymańnia ałkaholu ŭ kryvi kiroŭcy z 0,5 da 0,3 pramile.

Uzrovień 0,3 pramile vyklučaje kiravańnie mašynaj paśla vypitaha piva i vina navat u małych kolkaściach.

Paśla vypitaj butelki piva, bakała vina ci 50 h harełki uzrovień ałkaholu ŭ kryvi źnižajecca da mienš čym 0,3 pramile nie mienš čym 2—3 hadziny. Pryčym temp praćvierazieńnia mocna zaležyć ad taho, mužčyna heta ci žančyna i jakaja vaha čałavieka.

Pastanova Savieta ministraŭ ŭžo padpisana, paviedamiła BiełaPAN staršy inśpiektar pa asobych daručeńniach upraŭleńnia DAI MUS Hanna Banadyk.

Terminy ŭvachodžańnia dakumienta ŭ siłu pakul nie nazyvajucca.

Kolkaść kiroŭcaŭ, jakija sieli sioleta za rul u niećviarozym stanie i byli zatrymany inśpiektarami DAI, nabližajecca da 18 tysiač. Za minuły hod było vyjaŭlena prykładna 5 tysiač vadzicielaŭ, jakija sieli za rul u niećviarozym stanie paŭtorna na praciahu hoda. Pa vinie pjanych kiroŭcaŭ na darohach zahinuli 205 čałaviek.

20–22 maja dla efiektyŭnaha vyjaŭleńnia vadzicielaŭ, jakija kirujuć transpartnymi srodkami ŭ stanie apjanieńnia, pa ŭsioj krainie supracoŭniki DAI

buduć aktyŭna pracavać z vykarystańniem taktyki «zvužanaj pałasy»

U metach stabilizacyi stanovišča na darohach, arhanizacyi biaśpieki darožnaha ruchu i akazańnia dapamohi ŭdzielnikam darožnaha ruchu ŭ pieradvychadnyja i vychadnyja dni Dziaržaŭtainśpiekcyja arhanizuje ŭzmocnieny varyjant niasieńnia słužby. Asablivuju ŭvahu supracoŭniki darožna-patrulnaj słužby nadaduć vykanańniu chutkasnych režymaŭ, praviłaŭ abhonu i manieŭravańnia, vykarystańniu ramianioŭ biaśpieki, kantrolu ćviarozaści. Aŭtamabilnyja patruli DAI buduć uzmocnieny matacyklistami sa śpiecpadraździaleńnia DPS «Strała». Na ŭsioj terytoryi Biełarusi inśpiektary DPS buduć pracavać pavodle vysokaefiektyŭnaj mietodyki z vykarystańniem mabilnaha kompleksu fotavideafiksacyi «Arena» i kanałaŭ elektronnaj suviazi GPRS, jakija dazvalajuć na lubyja adlehłaści pieradavać fotamateryjały z zafiksavanymi parušeńniami dla dalejšaha adekvatnaha reahavańnia na ich.

Za minułyja sutki ŭ Biełarusi zafiksavana 345 darožna-transpartnych zdareńniaŭ. U 15 DTZ 15 čałaviek atrymali ranieńni (dva ź ich — dzieci). Za kiravańnie transpartnym srodkam u stanie ałkaholnaha apjanieńnia zatrymany 128 vadzicielaŭ.

• 0
• 0
• 0
• 0
• 0
• 0