Hienprakuratura prapanuje aryštoŭvać majomaść da zaviadzieńnia kryminalnaj spravy
Hienieralnaja prakuratura prapanoŭvaje šerah mier, skiravanych na bolš poŭnaje pakryćcio ŭronu, pryčynienaha złačynstvami.
Pra heta paviedamiŭ žurnalistam 24 maja namieśnik hienieralnaha prakurora Biełarusi Alaksiej Stuk. Tema pakryćcia ŭronu abmiarkoŭvajecca siońnia na kalehii Hienieralnaj prakuratury.
Pavodle słoŭ Stuka, orhanam śledstva prapanoŭvajecca zakanadaŭča zamacavać mahčymaść nakładać zabaronu na ažyćciaŭleńnie peŭnym hramadzianinam i členami jaho siamji ździełak ź ich majomaściu, kali pravaachoŭnyja orhany ŭpeŭnienyja ŭ tym, što hety hramadzianin budzie abvinavačanym.
Mahčymaść nakładańnia takoj zabarony pavinna mieć miesca navat da raspačynańnia kryminalnaj spravy, ličać u prakuratury.
Namieśnik hienprakurora taksama paviedamiŭ, što na praciahu dvuch hadoŭ Hienprakuratura inicyjuje dapaŭnieńni Kryminalnaha kodeksa artykułam
Pavodle słoŭ Stuka, prapanovu Hienprakuratury pakul padtrymlivaje tolki Ministerstva justycyi, astatnija zacikaŭlenyja orhany — nie.
Stuk paviedamiŭ, što na kalehii budzie abmiarkoŭvacca ŭ tym liku pytańnie ab tym, jak pakryćcio ŭronu, vyjaŭlenaha padčas pravierak, zabiaśpiečvajuć kantrolnyja orhany. Pavodle danych Hienprakuratury, pakryćcio ŭronu hetymi orhanami nie pieravyšaje 30–40%.
Pavodle słoŭ namieśnika hienprakurora, u nahladnych orhanaŭ jość surjoznyja pretenzii da pracy Minpryrody pa vyjaŭleńni pakryćcia ŭronu. Stuk adznačyŭ, što ŭ hetym ministerstvie vinavataja asoba, naprykład, moža być tolki pryciahnuta da administracyjnaj adkaznaści, i na hetym miery ŭździejańnia na jaho abmiažoŭvajucca, naniesieny pryrodzie ŭron moža być navat nie padličany.
Hienprakuratura kanstatuje nizki pracent pakryćcia ŭronu orhanami papiaredniaha rasśledavańnia, jon nie pieravyšaje 30–37%.
Padčas sudovych pasiadžeńniaŭ, pavodle słoŭ Stuka, uron, pryčynieny złačynstvami, pakryvajecca nie bolš čym na 8%.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j2
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary