Abama: My budziem akazvać na Biełaruś «taki cisk, jaki tolki mahčyma»
U Varšavie adbylisia sustrečy prezidenta i premjera Polščy z kiraŭnikom ZŠA.
U Varšavie adbylisia pieramovy prezidenta Polščy Branisłava Kamaroŭskaha i prezidenta ZŠA Baraka Abamy.Abmiarkoŭvalisia pytańni demakratyi i biaśpieki. Na sumiesnaj presavaj kanfierencyi paśla pieramovaŭ prezident Polščy zajaviŭ, što baki majuć ahulny pohlad na budaŭnictva demakratyi, u tym liku i ŭ Biełarusi.
Kamaroŭski paviedamiŭ, što havorka išła i pra Andreja Pačobuta, źniavolenaha ŭ Biełarusi karespandenta «Hazety Vyborčaj».Prezident ZŠA padkreśliŭ, što «takija dziejańni režymu, jakija my nazirajem u Biełarusi, mohuć mieć upłyŭ na ŭvieś rehijon, što stavić nas u bolšuju niebiaśpieku». (Cytujem pavodle sajtu gazeta.pl).
Barak Abama nazvaŭ Polšču lidaram u prasoŭvańni demakratyi nia tolki ŭ rehijonie, ale i ŭ śviecie.
— My abmiarkoŭvali situacyju ŭ Biełarusi — jana nieprymalnaja. Prezident Łukašenka nie źviartaje nijakaj uvahi na demakratyčnyja pryncypy, na zakony, źviazanyja z pravami čałavieka. Treba čynić cisk na Biełaruś, kab jana źmianiła staŭleńnie da hetych temaŭ, — padkreśliŭ Abama paśla sustrečy z premjeram Polščy Donaldam Tuskam.
Prezident ZŠA nahadaŭ, što kankurenty Łukašenki na apošnich vybarach trapili ŭ turmu. i žurnalisty taksama. Jon piersanalna zhadaŭ žurnalista Andreja Pačobuta, jaki praciahvaje siadzieć u hrodzienskaj turmie pa abvinavačvańniach u źniavazie Alaksandra Łukašenki i paklopie na jaho.
Abama zaznačyŭ, što ZŠA i Polšča jak dvuchbakova, tak i pry pasiarednictvie ES supracoŭničajuć dziela budavańnia ŭ Biełarusi hramadzianskaj supolnaści. «I my chočam i dalej mocna supracoŭničać u hetaj halinie», — skazaŭ prezident ZŠA.
— U Biełarusi ciapier rehres. Važna, kab my razam padšturchoŭvali jaje da raźvićcia hramadzianskaj supolnaści, da praviadzieńnia reformaŭ. My budziem akazvać na Biełaruś maksimalny cisk, — zajaviŭ Abama.
— U takich dyktatur, jak łukašenkaŭskaja, niama budučyni, — dadaŭ polski premjer.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie39
Kamientary