Vyjšła ŭnikalnaja kniha, jakaja źmiaščaje adkazy na składanaje pytańnie, jakoje kožny aktyŭny biełarus nieadnojčy čuŭ.
Vyjšła kniha, jakaja źmiaščaje adkazy na badaj samaje składanaje pytańnie, jakoje kožny aktyŭny biełarus nieadnojčy čuŭ — «Navošta tabie ŭsio heta?».
Bolš za try dziesiatki čałaviek raskazali, čamu jany vystupajuć suprać biełaruskaj «stabilnaści», čym achviarujuć dziela zmahańnia za svaje pravy i pravy inšych i jak da ŭsiaho hetaha staviacca ich blizkija, siabry, susiedzi.
«Staviačy pytańni pra matyvacyju i šlachi da supracivu, my zychodzili z peŭnych hipotez. Biełaruś usprymajecca daśledčykami i aktyvistami jak kraina z krajnie nizkim uzroŭniem «žyvych» hramadzianskich tradycyj i palityčnaj kultury aktyŭnaha ŭdziełu (participatory political culture), jak kraina, dzie padparadkavańnie asoby dziaržavie źjaŭlajecca normaj, a pryncyp «maja chata z kraju» daminuje navat siarod prasunutych kołaŭ hramadstva. U hetych umovach hramadzianskaja supolnaść moža paŭstavać tolki praz unutrany pratest, jaki vyrastaje z asensavańnia ŭłasnaj adroznaści ci imknieńnia stać adroznym. Da takoha pratestu padšturchoŭvaje nietypovy dla paspalitaha hramadzianina žyćciovy dośvied (nabyty pry adnosinach z peŭnymi ludźmi — takimi ž «biełymi varonami» abo dziakujučy kamunikacyi ź inšymi hramadstvami i kulturami) abo, jak heta ni paradaksalna, ułasnyja tradycyi ŭ kantekście karparatyŭnaj dziaržavy, dzie była peŭnaja prastora dla tak zvanaha «aktyvizmu», — napisaŭ u pramovie da knihi adzin z redaktaraŭ, palitołah Vital Silicki.
Pytajciesia knihu ŭ niezaležnych raspaŭsiudnikaŭ.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary