Druhi zvarot datyčycca mytaŭ na zamiežnyja aŭtamabili. Palityk Volha Abramava choča viarnuć nazad staryja taryfy.
Palityk Volha Abramava razam ź inšymi hramadzianami źviarnułasia da kiraŭnictva krainy ź dźviuma prapanovami.
Pieršy kalektyŭny zvarot datyčycca mytaŭ na zamiežnyja aŭtamabili. U im hramadzianie prosiać viarnuć taryfy mytavańnia na ŭzrovień, jaki isnavaŭ da 1 lipienia 2011 hoda.«Źviartajem ŭvahu, što pavodle st. 4 Padatkovaha kodeksa Respubliki Biełaruś nie dapuskajecca ŭstalavańnie padatkaŭ, zboraŭ (mytaŭ), jakija nanosiać škodu nacyjanalnaj biaśpiecy Respubliki Biełaruś. U toj ža čas pavodle Kancepcyi nacyjanalnaj biaśpieki Respubliki Biełaruś, zaćvierdžanaj Ukazam Prezidenta Respubliki Biełaruś № 575 ad 9 listapada 2010 h., da asnoŭnych pahrozaŭ nacyjanalnaj biaśpieki adnosicca źnižeńnie ŭzroŭnia dabrabytu i jakaści žyćcia nasielnictva», — adznačajecca ŭ zvarocie.
Razam z tym, raspaŭsiudžvajecca i druhi zvarot, jaki datyčycca devalvacyi.
Volha Abramava razam z paplečnikami prapanujuć «zabiaśpiečyć vypłatu kampiensacyi strataŭ fizičnym asobam, jakija zachoŭvali biełaruskija rubli va ŭkładach» na momant praviadzienia devalvacyi.
Zvaroty padpisanyja piensijanierkaj Volhaj Abramavaj, indyvidualnym pradprymalnikam Uładzimiram Lebiedzievym, a taksama inšymi hramadzianami, śpis jakich farmirujecca i budzie pradastaŭleny dadatkova.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary