Jon taksama raskrytykavaŭ ekanamičnuju palityku Minska.
«Ludzi ŭ cyvilnym», jakija ŭdzielničajuć u zatrymańni demanstrantaŭ padčas pratestnych «maŭklivych akcyj», nie źjaŭlajucca pradstaŭnikami rasijskich śpiecsłužbaŭ, zajaviŭ nadzvyčajny i paŭnamocny pasoł Rasii ŭ Biełarusi A.Surykaŭ.
«Ja mahu tolki paśmiajacca z hetaha. Heta ŭ pryncypie niemahčyma. Heta ź sieryi niezrazumiełych zdahadak», — zajaviŭ pasoł, kamientujučy raspaŭsiudžanuju šeraham ŚMI infarmacyju ab datyčnaści «ludziej u cyvilnym» da rasijskich śpiecsłužbaŭ.
Havoračy ab tym, ci dazvalajuć isnujučyja pahadnieńni śpiecsłužbam Rasii ŭdzielničać u vyrašeńni ŭnutranych kanfliktaŭ u Biełarusi, A. Surykaŭ skazaŭ: «Nijakich damovaŭ pamiž Rasijaj i Biełaruśsiu, u tym liku ŭ ramkach ADKB, jakija praduhledžvajuć udzieł sił z metaj padaŭleńnia ačahoŭ unutranych supracivaŭ, niama». Pry hetym dypłamat rastłumačyŭ, što «ŭ ramkach ADKB isnuje damova, zhodna ź jakoj u vypadku technahiennaj situacyi ŭ adnoj z krain Arhanizacyi siły apieratyŭnaha reahavańnia mohuć prymać udzieł u likvidacyi technahiennych katastrof», a taksama «ŭ vypadku ahresii adnosna adnoj z krainaŭ ADKB».
«Nijakich inšych matyvaŭ nie praduhledžana», — padkreśliŭ jon.
Rasijski dypłamat paviedamiŭ, što dvoje rasijskich hramadzian, «zatrymanych ni za što» ŭ Minsku i Barysavie, płanujuć apratestoŭvać jak dziejańni pravaachoŭnikaŭ, tak i sudovyja rašeńni. «My dastatkova surjozna i žorstka abaraniajem intaresy rasijskich hramadzian. Pasolstva źviarnułasia ŭ prakuraturu Minska z nahody hetych faktaŭ. My uvohule suprać takoha masavaha zatrymańnia hramadzian niezrazumieła za što, i tym bolš rasijskich, i tym bolš tych, chto nie prymaŭ udzieł u akcyjach, a ŭ siłu akaličnaściaŭ apynuŭsia ŭ miescy praviadzieńnia akcyi. Treba raźbiracca, pierš čym ahułam zatrymlivać», — skazaŭ A. Surykaŭ.
Pra valutu
Abmiežavańni valutnaha rynku i abmiežavańni impartu, uviedzienyja uradam Biełarusi, na dumku Alaksandra Surykava, mohuć akazać niehatyŭny upłyŭ na ekanomiku i vyklikać rost niezadavolenaści.
«Heta vielmi krytyčny stan ekanomiki.Zaŭtra hetaha impartu moža nie chapić na kamplektacyju i pačnie razburacca ekspart. Ale samaje hałoŭnaje — raście kolkaść niezadavolenych.
Vy dumajecie, narod radujecca, što nie moža pajechać za miažu?Moža, valuta i zastaniecca ŭ krainie, ale sacyjalnaje niezadavolenaść vyraście», — ličyć A.Surykaŭ.
Pasoł sumniavajecca, što va ŭradzie Biełarusi moža isnavać pazicyja štučnaha strymlivańnia impartu i adtoku valuty. «Pry ciapierašnim stanoviščy na valutnym rynku amal niemahčymy prychod inviestaraŭ u Biełaruś. I heta vielmi surjozna», — padkreśliŭ dypłamat.
A.Surykaŭ pryznaŭ, što sam asabista sutykajecca apošni čas ź niedachopam spažyvieckich tavaraŭ. «Ja pryvyk da rasijskich małočnych praduktaŭ — ciapier jany praktyčna adsutničajuć, źnikli rasijskija syry. Ja spadziajusia, što situacyja vypravicca, tym bolš, što rasijski impart nie byŭ krytyčny dla Biełarusi. Ale z punktu hledžańnia pramysłovych tavaraŭ situacyja horšaja. Kupić zaraz prystojny kaścium abo abutak u Minsku — vielmi składana. Abo cana niedasiažnaja — vyšej luboj zamiežnaj. Heta taksama śledstva valutnych abmiežavańniaŭ», — ličyć pasoł. «Hetu nišu tavaraŭ dla ludziej siaredniaha i vyšejšaha dastatku biełaruski vytvorca pakul nie hatovy zapoŭnić jakasnaj pradukcyjaj», — zaklučyŭ A.Surykaŭ.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam2
Kamientary