Pad Maładziečnam zahinuli try pasažyrki «Falksvahiena»: najstarejšaj — 35 hadoŭ
Aŭtamabil «Falksvahien Pasat» 31 lipienia kala vioski Samali ŭrezaŭsia ŭ dreva. Try pasažyrki, žančyny 1976, 1977 i 1982 hadoŭ naradžeńnia zahinuli na miescy zdareńnia.35-hadovy kiroŭca byŭ dastaŭleny ŭ reanimacyju.
Zdareńnie adbyłosia kala 19 hadzin 30 chvilin na aŭtadarozie Maładziečna — Ilja.
Na zakruhleńni darohi ŭleva kiroŭca, žychar Mahiloŭskaj vobłaści, vybraŭ niebiaśpiečnuju chutkaść ruchu, aŭtamabil zaniesła ŭ bok. «Falksvahien» źjechaŭ u levy kiuviet i ŭrezaŭsia ŭ prydarožnaje dreva.
Z troch zahinuŭšych žančyn dźvie žycharki Vilejskaha rajona, adna — Maładziečanskaha. Pa papiarednich dadzienych kiroŭca inšamarki byŭ niećviarozy.
Kryminalnaja sprava zaviedziena pa treciaj častcy 317 artykuła Kryminalnaha kodeksu — parušeńnie praviłaŭ darožnaha ruchu ci ekspłuatacyi aŭtadarožnych transpartnych srodkaŭ, jakoje pryviało pa nieaściarožnaści da śmierci dvuch ci bolš čałaviek. Złačynstva karajecca pazbaŭleńniem svabody na termin ad troch da siami hadoŭ.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary