Alaksandar Patupa: Va ŭładzie razhladajecca varyjant poŭnaha «zakručvańnia hajek»
Biełaruskija ŭłady mohuć vybrać najbolš žorstki varyjant raźvićcia ekanomiki, jaki budzie vielmi nahadvać savieckija časy.
Biełaruskija ŭłady mohuć vybrać najbolš žorstki varyjant raźvićcia ekanomiki, jaki budzie vielmi nahadvać savieckija časy. Takoje mierkavańnie ŭ interviju «Biełorusskomu partizanu» vykazaŭ staršynia Biełaruskaha sajuzu pradprymalnikaŭ Alaksandar Patupa.
Pavodle słoŭ analityka, taki varyjant — poŭnaje «zakručvańnie hajek» — razhladajecca ŭ najvyšejšych ešalonach ułady ŭ jakaści adnoj z madelaŭ dalejšaha raźvićcia ekanomiki respubliki ŭ suviazi ź pierachodam ŭ stasunkach z Rasiejaj na rynkavyja ceny za pastaŭki enerhanośbitaŭ. Adnoj z charakternych rysaŭ hetaj madeli moža stać eksprapryjacyja ŭsich dachodnych halinaŭ. «Dziaržava padamnie pad siabie ŭsie sfery ekanomiki, jakija mohuć prynosić vysokija dachody», — ličyć ekspert. I ŭ hetaj systemie, pavodle jahonych słovaŭ, miesca dla pradprymalnikaŭ moža ŭžo nie znajścisia.
U jakaści prykładu takich dziejańniaŭ uradu staršynia Biełaruskaha sajuzu pradprymalnikaŭ pryvioŭ rašeńnie pra ŭstalavańnie lhotnaha režymu pa apłacie hazu dla šerahu dziaržaŭnych pradpryjemstvaŭ. «hetyja hrošy treba budzie kamuści kampensavać. Najpierš, ich pasprabujuć zabrać u pradprymalnikaŭ», — miarkuje A. Patupa. Adnak ekspert nia vyklučyŭ, što Łukašenka pojdzie na praviadzieńnie rynkavych reformaŭ i liberalizacyju ekanomiki. Ale abodva varyjanty pryviaduć da padzieńnia ŭzroŭniu žyćcia nasielnictva.
Staršynia sajuzu pradprymalnikaŭ taksama vykazaŭ nadzieju, što biełaruskim uładam chopić razvažlivaści, kab nie paharšać naftavaha kanfliktu j sieści za stoł pieramovaŭ z Rasiejaj, kab znajści prymalny varyjant pa cenach na rasiejskija enerhanośbity. Ale ŭ kožnym razie, peŭny ekspert, cana na naftu budzie, sama mieniej, udvaja vyšejšaj, jak u 2006 hodzie. Heta, u svaju čarhu, pryviadzie da pavyšeńnia sabiekoštu biełaruskaj pradukcyi, źnižeńniu jaje kankurentazdolnaści na źniešnich rynkach i padzieńniu rostu VUP. U kožnym razie biełarusaŭ čakajuć nialohkija časiny, prahnazuje ekspert.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary