AAT «Minski aŭtamabilny zavod» u pieršym paŭhodździ 2011 hoda pavialičyła abjom realizacyi pradukcyi na zamiežnych rynkach bolš čym u dva razy (203,1% da ŭzroŭniu anałahičnaha pieryjadu minułaha hoda).Pra hetym paviedamili BiełTA ŭ
Takoje pradpryjemstva, jak MAZ, vyznačaje asnovu pramysłovaha siektara krainy, jaho ekanamičnyja pakazčyki ŭ značnaj stupieni vyznačajuć ekanamičny dabrabyt i biaśpieku dziaržavy, adznačyli ŭ Minpramie.
Pa vynikach pracy AAT «MAZ» za šeść miesiacaŭ možna kazać pra značnyja vyniki, dasiahnutyja kalektyvam abjadnańnia. Tempy rostu pramysłovaj pradukcyi ŭ supastaŭnych cenach za paznačany pieryjad skłali pa abjadnańni 161,4%, uzrovień rentabielnaści prodažaŭ — 15,9%. Za pieršaje paŭhodździe vyručka ad realizacyi pradukcyi skłała 286,1% da anałahičnaha pieryjadu minułaha hoda.
Ciapier markietynhavaja stratehija AAT «MAZ» nakiravanaja na aktyŭnuju ekspansiju: farmavańnie šyrokaj tavarapravodnaj i servisnaj sietki, asvajeńnie novych rynkaŭ i vyviadzieńnie na ich inavacyjnych praduktaŭ.
Akramia tradycyjnych zamiežnych rynkaŭ zbytu (Rasija, Ukraina, Azierbajdžan, Turkmienistan, Kazachstan, Armienija, Uźbiekistan, Małdova, Hruzija i inšyja krainy SND), dzie nazirajecca aktyŭny rost realizacyi pradukcyi MAZ, pašyrajecca hieahrafija jaho pastavak na rynkach krain Jeŭrasajuza, Afryki i Łacinskaj Amieryki.
Kamientary