Nacyja śpivajecca. Prodažy harełki ŭ studzieni-lipieni ŭ Biełarusi vyraśli na 11,6%
Piva — na 17%.
Prodažy harełki ŭ Biełarusi ŭ studzieni-lipieni biahučaha hoda vyraśli ŭ paraŭnańni z anałahičnym pieryjadam 2010 hoda na 11,6 pracenta da 6622,9 tys. dał u naturalnym vyražeńni.
Na spažyvieckim rynku ŭ studzieni-lipieni praz roźničnuju sietku realizavana ałkaholnych napitkaŭ i piva na Br3976,1 młrd., što ŭ ahulnym abjomie roźničnaha tavaraabarotu handlovych arhanizacyj składaje 10,4 pracenta (pa vynikach 2010 hoda - 12 pracentaŭ).
U absalutnym ałkaholi ŭ studzieni-lipieni realizavana 6062,6 tys. dał ałkaholnych napitkaŭ i piva, što składaje 111,8 pracenta da anałahičnaha pieryjadu 2010 hoda.
Pry hetym realizacyja kańjaku, uklučajučy kańjačnyja napitki i brendzi, u studzieni-lipieni ŭzrasła na 43,2 pracenta da 199,3 tys. dał, a prodažy likiora-harełačnych vyrabaŭ pavialičylisia na 37,8 pracenta i skłali 1206 tys. dał. Na 24,4 pracenta da 716,2 tys. dał uzrasła realizacyja pienistych vin, uklučajučy šampanskaje. Prodažy vinahradnych vin, uklučajučy napitki, uzraśli na 20,2 pracenta da 1846,5 tys. dał. Realizacyja piva pavialičyłasia na 17 pracentaŭ da 20 312,1 tys. dał. Na 4,4 pracenta bolš pradadziena pładovych vin, uklučajučy napitki, ich prodažy skłali 9946,7 tys. dał. Prodažy słabaałkaholnych napitkaŭ u studzieni-lipieni biahučaha hoda źnizilisia na 30 pracentaŭ da 528,4 tys. dał.
Vytvorčaść vinahradnych vin u studzieni-lipieni pavialičyłasia na 18,8 pracenta da 1450 tys. dał, harełki i likiora-harełačnych vyrabaŭ - na 10,3 pracenta da 8,8 młn. dał, šampanskaha i pienistych vin - na 5,9 pracenta da 795 tys. dał, piva - na 21,1 pracenta da 26,9 młn. dał. Soładu pivavarnaha vyrablena ŭ 2,2 raza bolš - 84,2 tys.t. Vytvorčaść biezałkaholnych napitkaŭ u studzieni-lipieni biahučaha hoda ŭzrasła na 14,9 pracenta da 24,3 młn. dał. Razam z tym za studzień-lipień hetaha hoda vypusk kańjaku źniziŭsia na 4 pracenty da 119 tys. dał. Vytvorčaść minieralnaj vady źmienšyłasia na 4,3 pracenta da 228,1 młn. paŭlitraŭ, pładovych vin źniziłasia na 3,3 pracenta da 9,7 młn. dał.-0-
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»47
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary