Ažubalis: z Łukašenkam Jeŭropa za stoł pieramovaŭ nie siadzie, pakul nie buduć vyzvalenyja palitviaźni
Bałtyjskija i Paŭnočnyja krainy prytrymlivajucca dumki, što publičnyja prapanovy prezidenta Biełarusi Alaksandr Łukašenka sieści za stoł pieramovaŭ pavinny być razhledžany tolki paśla taho, jak jaho režym adpuścić na volu ŭsich palityčnych źniavolenych, u aŭtorak zajaviŭ litoŭski ministr zamiežnych spraŭ Aŭdronius Ažubalis paśla sustrečy ministraŭ u Chielsinki.
«Na našu dumku, za stoł nichto nie siadzie, pakul nie buduć vyzvalenyja palityčnyja źniavolenyja», — pa telefonie z Chielsinki skazaŭ ministr.
Ažubalis adznačyŭ, što adzinuju pazicyju vaśmi krain aficyjna vykazaŭ ministr zamiežnych spraŭ Finlandyi, jaki vystupiŭ z zajavaj, jakaja zaklikaje biełaruskaje kiraŭnictva nieadkładna vyzvalić usich palityčnych źniavolenych.
Alaksandr Łukašenka vystupiŭ z prapanovaj da palityčnych apanientaŭ, pradstaŭnikoŭ ES i Rasii za «kruhłym stałom» abmierkavać situacyju ŭ krainie.
«Ja jak kiraŭnik dziaržavy prapanuju ŭsim razumnym ludziam, jakija lubiać svaju krainu, da jakoha b palityčnaha łahieru jany ni naležali, sieści za kruhły stoł, pahladzieć adzin adnamu ŭ vočy i realna acanić, chto čaho varty i što moža zrabić dla efiektyŭnaha palapšeńnia situacyi ŭ krainie», — skazaŭ jon na naradzie piedahahičnaha aktyvu Biełarusi.
Pavodle jaho słoŭ, «naša siła ŭ adzinstvie, i budučyniu krainy treba vyrašać nie na płoščach i barykadach, a šlacham dyjałohu, narmalnaj čałaviečaj hutarki».
U zhadanaj sustrečy ŭ Chielsinki, akramia litoŭskaha i finskaha ministraŭ, taksama ŭziali ŭdzieł ministry zamiežnych spraŭ Šviecyi, Łatvii, Isłandyi i Estonii, a taksama słužbovyja asoby Danii i Narviehii.
Čamu YouTube vydaliŭ kanały BiełTA, STB i ANT? Voś što viadoma10
Kamientary