Pasłuha za pasłuhu: dziaržava mianiaje kvatery piensijanieraŭ na pakoj u internacie
Dziaržpresa znoŭ rekłamuje rentnyja adnosiny.
Dziaržpresa znoŭ rekłamuje rentnyja adnosiny.
Na staronkach «Sovietskoj Biełoruśsii» źjaviŭsia artykuł «Pasłuha za pasłuhu».
«Zabiaśpiečanaja spakojnaja staraść — u abmien na kvateru»,
— tak nazvała novuju dziaržaŭnuju schiemu pracy z adzinokimi piensijanierami žurnalistka. I, pa jaje słovach, užo znajšlisia dziesiać achvočych u Minsku adpisać svaje kvatery dziaržavie.
Što ž prapanujecca za staličnyja kvadratnyja mietry? Pierajezd u dom dla sastarełych albo dohlad u svajoj kvatery (pravy na jakuju adrazu stračvajucca). Sastarełym praciahvajecca vypłačvacca piensija, a taksama dadatkovaja nadbaŭka — rentnaja vypłata — «kala troch bazavych vieličyń» (105 tys. rub.).
«Ci pryvabnyja takija ŭmovy dla samich piensijanieraŭ? Pa-mojmu, tak. Bo staraść z kamfortam im zabiaśpiečana. I nie važna, praviaduć jany jaje ŭ internatach albo ŭ rodnych ścianach, jakija jurydyčna stali majomaściu dziaržavy», — piaje sałaŭjom žurnalistka.
U Minsku siońnia va ŭłasnych kvaterach pražyvaje kala siami tysiač adzinokich piensijanieraŭ, za kim patrabujecca dohlad. I dziaržava vyrašyła taki vialiki žyły fond nie vypuścić z ruk. Raniej rentnyja adnosiny možna było aformić z susiedam, siabram. Ciapier manapoliju na heta prava zabiraje dziaržava. A dziaržSMI z ułaścivaj im badzioraściu rekłamujuć takoje nou-chau.
Miž tym dziaržava i biez zachopu kvatery abaviazana kłapacicca pra ludziej, jakim niama kamu dapamahčy.
My płacim padatki nie tolki na ŭtrymańnie čynoŭnikaŭ i inviestycyi ŭ ekanomiku. Z padatkaŭ dziaržava abaviazana zabiaśpiečyć minimum dla tych, chto sam dla siabie zarablać nie moža: dziaciej, starych, niepracazdolnych. Čamu raniej na ŭtrymańnie ŭ internacie chapała piensii, a ciapier treba addavać kvateru canoj u tysiačy dalaraŭ?
Pytańnie rentnych adnosin pačało musolicca ŭ śniežni minułaha hoda. Tady Alaksandr Łukašenka naviedaŭ dom-internat dla vieteranaŭ vajny i pracy «Śvitanak». Padčas sustrečy ź piensijanierami jon adobryŭ stvareńnie novaj sacyjalnaj schiemy.
Repartaž STV pra rentnyja adnosiny.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary