U Baranavickim rajonie znajšli zastrelenym učastkovaha milicyjanta
Prakuratura praviaraje niekalki viersij — samahubstva i ŭdzieł druhich asobaŭ.
Na prasiołkavaj darozie pablizu v. Ułasy Baranavickaha rajona va ŭłasnym aŭtamabili z ahniastrelnym ranieńniem hałavy byŭ znojdzieny 23-hadovy ŭčastkovy milicyjant. Supracoŭniki prakuratury praviarajuć niekalki viersij taho, što adbyłosia, u tym liku i samazabojstva.
Cieła maładoha ŭčastkovaha, jaki prapracavaŭ u rajonnym adździele ŭnutranych spraŭ kala hoda, znajšli 29 žniŭnia, piša «Intex-press». Nijakaj pieradśmiarotnaj zapiski, pa słovach supracoŭnika śledčaha adździeła prakuratury Bresckaj vobłaści pa Baranavickim rajonie Andreja Ramaniuka, pry zahinuŭšym vyjaŭlena nie było.
«Pa dadzienym fakcie śledčym adździełam pravodzicca pravierka. Praviarajecca viersija ab samahubstvie, a taksama ab mahčymaj datyčnaści da zdareńnia inšych asobaŭ», — adznačyŭ Andrej Ramaniuk.
Rodnyja zahinułaha ŭčastkovaha nie mohuć akryjać ad šoku, tym bolš pavieryć, što ich dobry, žyćciaradasny, poŭny płanaŭ syn moh dobraachvotna syści z žyćcia. «Kali ŭsio heta adbyłosia, my nie viedali, što i padumać. Ź dziaŭčynaj u jaho było ŭsio vydatna, viasielle ŭ krasaviku płanavali zhulać. U nas u siamji byli dobryja adnosiny, z małodšym bratam jany dyk naohuł lepšymi siabrami byli. Dy i na pracu jon nikoli asabliva nie skardziŭsia. Ź jakoha boku ni pahladzi — žyć tolki dy radavacca. Nu nie moh Saša sam z saboj takoje zrabić », — skazaŭ baćka zahinułaha Mikałaj.
Miž tym, raspaviadajučy pra padziei taho strašnaha dnia, Mikałaj adznačyŭ, što padčas apošniaj razmovy z synam adčuŭ niešta dziŭnaje ŭ jaho hołasie.«Ja jamu patelefanavaŭ, staŭ pytać, jak spravy, pra futbolny matč — jon vielmi futboł lubiŭ. Jon adkazvaŭ byccam praź siłu, na navinu pra lik u matčy naohuł nijak nie adreahavaŭ, što dla jaho niezvyčajna było. Skazaŭ, što jedzie ŭ Krošyn», — uspaminaje Mikałaj.
Heta byŭ apošni raz, kali jon čuŭ syna. A praź dźvie hadziny da baćkoŭ ŭčastkovaha pryjechaŭ supracoŭnik milicyi, jaki šukaŭ ich syna. Skazaŭ, maŭlaŭ, nie mohuć da jaho datelefanavacca. «Ja staŭ telefanavać — vyklik idzie, a trubku nichto nie biare. Žonka stała nabirać sa svajho telefona — vynik toj ža. Na dušy stała niespakojna, ja tady padumaŭ, jon ža na mašynie pajechaŭ, raptam jana złamałasia abo avaryja adbyłasia. Vyrašyŭ pajechać pašukać.
Pa darozie sustreŭ milicyjanta, pajechaŭ za im. Padjechaŭšy da Ułas, ubačyŭ Sašynu mašynu. Škło było raźbita. Padyšoŭ i ŭbačyŭ syna. Na kaleniach u jaho lažaŭ pistalet ...» — raspavioŭ baćka.
Pa słovach baćki zahinułaha, syn ź dziacinstva maryŭ pracavać u milicyi. Dy i sam los, zdavałasia, dapamoh jamu ŭ hetym: paśla škoły jon było vyrašyŭ pastupać na histaryčny fakultet (chłopiec zachaplaŭsia historyjaj i navat udzielničaŭ u alimpijadach), ale nie pastupiŭ. I tady jon staŭ studentam jurfaka, a na apošnim kursie pryjšoŭ na pracu ŭ milicyju.
Usie, chto viedaŭ Alaksandra — jak ŭčastkovaha i prosta jak čałavieka — kažuć, što jon byŭ spahadlivym, uvažlivym i dobrym. A hałoŭnaje — lubiŭ žyćcio i tuju spravu, jakoj jon zajmaŭsia.
***
Hladzi jašče: 23-hadovy śledčy zastreliŭsia padčas dziažurstva.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary