Atroščankaŭ: Načalnik turmy KDB pahražaŭ mnie «zrabić Huantanama»
Vyzvalenyja palitviaźni Atroščankaŭ, Vinahradaŭ i Lichavid na pres-kanfierencyi zaścierahli hramadstva ad praźmiernaha aptymizmu ŭ suviazi z vyzvaleńniem palitviaźniaŭ: «Chočacca zaścierahčy ŭsich ad zališniaha aptymizmu. U turmie jašče znachodziacca našy tavaryšy. Ciapier hučać hałasy pra niejki dyjałoh. Niezrazumieła, z kim my možam razmaŭlać? Łukašenka prajhraŭ vybary. Mienavita tamu my ŭbačyli isteryčnuju i brutalnuju reakcyju ŭviečary 19 śniežnia. Pradmietam dyjałohu moža być tolki pieradača ŭłady».
U byłych palitviaźniaŭ pytalisia, ci ŭžyvalisia ŭ dačynieńni da ich asabista hvałt, katavańni, maralny cisk?
Mikita Lichavid: «Što ličyć ciskam? Voś adzin prykład — zabarona spać udzień. Pavodle zakonu, spać udzień u štrafnym izalatary nielha. Ale kali ŭnačy tak vilhotna i choładna, što davodzicca paŭnočy adciskacca, kab sahrecca, to ŭdzień, kali źjasi haračaha, to naturalna ciabie moryć na son. Ludzi kładucca paspać. I za heta ciabie adpraŭlajuć u štrafny izalatar albo dadajuć sutki, kali ty ŭžo znachodzišsia ŭ izalatary».
Alaksandar Atroščankaŭ: «Mnie, naprykład, pałkoŭnik Arłoŭ, vykanaŭca abaviazkaŭ načalnika śledčaha izalatara KDB, skazaŭ, što jon mnie zrobić Huantanama, što ja pierabłytaju dzień i noč. I prykładna ŭ takich umovach ja i pravioŭ try miesiacy ŭ turmie KDB. I nasamreč, čas ad času ŭklučali śviatło ŭnačy, udzień pryhłušali…».
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja77
Kamientary