U dzień maŭklivych pratestaŭ u Hrodnie buduć praviarać sireny
Kompleksnaja pravierka sistemy apaviaščeńnia hramadzianskaj abarony supała z čarhovaj maŭklivaj akcyjaj.
21 vieraśnia ŭ Hrodnie praviaduć kompleksnuju pravierku sistemy apaviaščeńnia hramadzianskaj abarony, paviedamlaje hazieta «Viečiernij Hrodno». Płanujecca, što buduć zapuskacca elektrasireny, a pa sietcy pravadnoha radyjoviaščańnia i vuličnych hučnahavarycielach pieradavacca paviedamleńni štaba hramadzianskaj abarony. U MNS prosiać hramadzian zachoŭvać spakoj i paradak.
U hety ž dzień paśla praciahłaha pierapynku musić adbycca čarhovaja maŭklivaja akcyja.
«Viečiernij Hrodno» piša, što da ich u redakcyju naviedaŭsia supracoŭnik Leninskaha RAUS. Jon paraiŭ žurnalistcy Palinie Žuraŭlovaj, jakuju na adnoj z akcyj źbili nieviadomyja žančyny ŭ cyvilnym, nie chadzić u sieradu viečaram u horad.
Supracoŭnik milicyi patłumačyŭ, što jaho vizit źviazany z zahadam kiraŭnictva. Akazałasia, što milicyjanty pavinny apaviaścić usich hramadzian, jakich zatrymlivali na maŭklivych akcyjach, ab administracyjnaj adkaznaści za ŭdzieł u niesankcyjanavanych mierapryjemstvach.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary