Choć najbolšuju kolkaść hałasoŭ sabrała Serbskaja radykalnaja partyja na čale ź viaźniem Mižnarodnaha trybunału Vaisłavam Šešalem, čatyry praeŭrapiejskija partyi razam vyjšli z vybaraŭ pieramožcami.
Choć najbolšuju kolkaść hałasoŭ sabrała Serbskaja radykalnaja partyja na čale ź viaźniem Mižnarodnaha trybunału Vaisłavam Šešalem, čatyry praeŭrapiejskija partyi razam vyjšli z vybaraŭ pieramožcami.
Serbskaja radykalnaja partyja nabrała 28,5% vybarščyka, što daje prava na 81 deputacki mandat z 250. Heta na adzin pracent bolej, čym na minułych vybarach. Adnak heta vielmi słabaja prybaŭka, uličvajučy, što na sioletnich vybarach hałasy paprostu raścierušylisia miž małymi partyjami.
Hałoŭnyja kankurenty radykałaŭ z praeŭrapiejskaj Demakratyčnaj partyi na čale ź siońniašnim serbskim prezydentam Barysam Tadzičam zdabyli 22% (65 miescaŭ). Na trecim miescy — nacyjanalistyčna‑praeŭrapiejskaja «Demakratyčnaja partyja Serbii — Novaja Serbija» premjer‑ministra Vaisłava Kaštunicy. z 17% hałasoŭ (47 miescaŭ).
Piacipracentny barjer pierakročyli taksama liberalna‑intelihienckaja partyja «H-17-plus» (7,12%), Sacyjalistyčnaja partyja Serbii (byłaja kamunistyčnaja, a paśla Miłošaviča) (5,57%) i Liberalna‑demakratyčnaja partyja (5,47%).
Jaŭka skłała 60,49%.
Razam praeŭrapiejskija partyi sabrali 52% hałasoŭ, tady jak prarasiejskija (SRP i SPS) - tolki 33%. Heta najhoršy dla ich vynik ad času padzieńnia manipulacyjnaha režymu Miłošaviča.
Prezydent Tadzič i premjer‑ministar Kaštunica ŭžo zajavili, što pačynajuć pieramovy pra farmavańnie kaalicyjnaha ŭradu. Miascovyja analityki miarkujuć, što pieramovy buduć niaprostymi i doŭhačasovymi. Kurs Serbii na bolš ščylnyja stasunki z Eŭraźviazam zastaniecca, dakładna, niaźmiennym.
Fota zivelasrbija.org.yu
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary