Paśla paŭhoda abvalnaha rostu cenaŭ ułady narešcie adčuli mahčymaść trochi prybavić ludziam.
Pieraraźlik piensij budzie praviedzieny ŭ Biełarusi z 1 listapada biahučaha hoda. Ab hetym, jak piša ahienctva BiełTA, paviedamiła ministr pracy i sacyjalnaj abarony Marjana Ščotkina ŭ chodzie online pryjomu hramadzian.
«Z 1 listapada biahučaha hoda budzie praviedzieny pieraraźlik pracoŭnych piensij zychodziačy ź siaredniaj zarabotnaj płaty rabotnikaŭ u respublicy za treci kvartał 2011 hoda», — adznačyła ministr.
Siaredniaja zarpłata rabotnikaŭ za treci kvartał budzie viadoma tolki paśla 20 kastryčnika, tamu ministarka pakul nie moža paviedamić dakładny pamier pavyšeńnia piensij. Varta adznačyć, što zarobki raśli pavolna va ŭmovach, kali nie pavyšałasia taryfnaja staŭka pieršaha razradu, tamu na vialikuju dabaŭku piensijanieram raźličvać nie vypadaje.
Ceny na bolšaść impartnych tavaraŭ za hety čas vyraśli ŭ 2,5–3 razy, a biełaruskich — u 2 razy, što mocna ŭdaryła pa dabrabycie ludziej.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary